ନିର୍ବାଚନ କମିଶନଙ୍କ ବଡ଼ ନିଷ୍ପତ୍ତି, ଶିବସେନାର ଧନୁ ଓ ତୀର ଚିହ୍ନକୁ ଅଚଳ

ମୁମ୍ବାଇ: ଧନୁ ଓ ତୀର ଚିହ୍ନକୁ ନେଇ ଉଦ୍ଧବ ଠାକରେ ଏବଂ ଏକନାଥ ସିନ୍ଦେ ଗୋଷ୍ଠୀ ମଧ୍ୟରେ ଲାଗିଥିବା ବିବାଦରେ ନିର୍ବାଚନ କମିଶନଙ୍କ ବଡ଼ ନିଷ୍ପତ୍ତି । ପରବର୍ତ୍ତି ଆଦେଶ ନଆସିବା ପର୍ଯ୍ୟନ୍ତ ଶିବସେନାକୁ ଧନୁ ଓ ତୀର ଚିହ୍ନ ବ୍ୟବହାର ଉପରେ ଲଗାଇଲେ ପ୍ରତିବନ୍ଧକ । ଅର୍ଥାତ ନଭେମ୍ବର ୩ ତାରିଖରେ ପୂର୍ବ ଅନ୍ଧେରୀ ଉପ ନିର୍ବାଚନରେ ଉଦ୍ଧବ ଠାକରେ କି ସିନ୍ଦେ ଗୋଷ୍ଠୀ କେହି ବି ଶିବସେନାର ଧନୁ ଓ ତୀର ଚିହ୍ନ ବ୍ୟବହାର କରିପାରିବେ ନାହିଁ । ଏହାସହ ୧୦ ଅକ୍ଟୋବର ଅପରାହ୍ଣ ଗୋଟାଏ ସୁଦ୍ଧା ଦୁଇ ଗୋଷ୍ଠୀଙ୍କୁ ନିଜ ନିଜର ନିର୍ବାଚନୀ ଚିହ୍ନ ଆୟୋଗ ନିକଟରେ ଦାଖଲ କରିବାକୁ ନିର୍ଦ୍ଦେଶ ଦିଆଯାଇଛି । ତେବେ ଦୁଇ ଗୋଷ୍ଠୀଙ୍କୁ ସେନା ଶବ୍ଦର ବ୍ୟବହାର ପାଇଁ ନିର୍ବାଚନ ଆୟୋଗ ଅନୁମତି ଦେଇଛନ୍ତି । ଏବେ ଦୁଇ ଗୋଷ୍ଠୀଙ୍କୁ ନିର୍ବାଚନ ଆୟୋଗଙ୍କ ନିକଟରେ ନାମ ଓ ଚିହ୍ନ ନେଇ ପ୍ରାଥମିକତା ସ୍ତରରେ ୩ଟି ବିକଳ୍ପ ଦେବାକୁ ପଡ଼ିବ ।