ଗଛରୁ ପଣସକୁ ଚୋରୀ କରିନେବା ଅଭିଯୋଗରେ ବୃଦ୍ଧଙ୍କୁ ହତ୍ୟା

ସାଲେପୁର: ପଣସ କଟାକୁ ନେଇ ବୃଦ୍ଧଙ୍କୁ ହତ୍ୟା। ୭୦ ବର୍ଷିୟ କରିମ ବକ୍ସଙ୍କୁ ହତ୍ୟା ଅଭିଯୋଗ। ଏଭଳି ଅଭାବନୀୟ ଘଟଣା ଘଟିଛି କଟକ ଜିଲ୍ଲା ସାଲେପୁରରେ। ପିକୋଲ ପଞ୍ଚାୟତର ମୋଦିପଡ଼ା ଗାଁର କରିମ ବକ୍ସ ଓ ପଡୋଶୀ ସଫେଉଲା ରହେମାନଙ୍କ ମଧ୍ୟରେ ଜମିବାଡ଼କୁ କେନ୍ଦ୍ର କରି ବିବାଦ ଲାଗି ରହିଥିଲା।

ଗତକାଲି ରାତିରେ କରିମ ବକ୍ସଙ୍କ ବାଡ଼ିରୁ ପଣିସ ଚୋରି ହୋଇଥିଲା। ଏନେଇ ପଡୋଶୀ ସଫେଉଲ ରହେମାନଙ୍କୁ କରିମ ପଚାରିଥିଲେ। ଏଥିରେ ଉତ୍ୟକ୍ତ ହୋଇ ଆକ୍ରମଣ କରିଥିଲେ ସଫେଉଲ। ଗୁରୁତର ଅବସ୍ଥାରେ କରିମଙ୍କୁ ସାଲେପୁର ମେଡ଼ିକାଲରେ ଭର୍ତ୍ତି କରାଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି। ଏନେଇ ଖବର ପାଇବା ପରେ ପୋଲିସ୍ ଘଟଣାସ୍ଥଳରେ ପହଁଚି ତଦନ୍ତ ଆରମ୍ଭ କରିଛି।