ରାଉରକେଲାରେ ଭେଜାଲ ମିଶା ସାମଗ୍ରୀ, ପ୍ୟାକେଟରେ ରହୁନି ପ୍ୟାକିଂ ତାରିଖ

ରାଉରକେଲା: କଟକ, ଯାଜପୁର ଓ ବାଲେଶ୍ବର ପରେ ଏବେ ରାଲଉରକେଲାରେ ପହଁଚିଲାଣି ନକଲି ସାମଗ୍ରୀ । ସହରରେ ଭେଜାଲ ଓ ନକଲି ଖାଦ୍ୟ ପ୍ୟାକେଟ ବିକ୍ରୀ ହେଉଥିବା ନେଇ ଅଭିଯୋଗ ହୋଇଛି। ଛୋଟପିଲା ଯେଉଁ ନମକିନ, ଚଟପଟି ଶୁଖିଲା ଖାଦ୍ୟ ପ୍ୟାକେଟ ଖାଇବାକୁ ପସନ୍ଦ କରୁଛନ୍ତି ତାହା ଭେଜାଲ ରହୁଛି । ଏବଂ ପ୍ୟାକେଟରେ ପ୍ୟାକିଂର ତାରିଖ ରହୁନଥିବା ଅଭିଯୋଗ ହୋଇଛି ।

ସେହିପରି କିଛି ପ୍ୟାକେଟରେ କମ୍ପାନୀର ନାମ ଓ ଠିକଣା ରହୁନଥିବାରୁ ଏହା ଭେଜାଲ ବୋଲି ଅଭିଯୋଗ ହୋଇଛି । ତେଣୁ ନକଲି ଓ ଭେଜାଲ ଖାଦ୍ୟ ପ୍ୟାକେଟ ନିର୍ମାଣ କରୁଥିବା କାରଖାନା ଉପରେ ଚଢାଉ କରିବା ପାଇଁ ଦାବି ହୋଉଛି । ସହରର ବିଭିନ୍ନ ଗୋଦାମରେ ଚଢାଉ କରିଵା ପାଇଁ ମଧ୍ୟ ଦାବି କରିଛନ୍ତି ଲୋକେ ।

ସୁନ୍ଦରଗଡ଼ ଜିଲ୍ଲାର ବିଭିନ୍ନ ସ୍ଥାନରେ କିଛି ଵ୍ୟବସାୟୀ ନକଲି ଓ ଭେଜାଲ ଖାଦ୍ୟ ସାମଗ୍ରୀ ପ୍ୟାକେଟ ତିଆରି କରୁଥିବା ଅଭିଯୋଗ ହୋଇଛି । ତମ୍ଵାଖୁ ଜାତୀୟ ପୁଡିଆ ନିର୍ମାଣ କରି ବିକ୍ରୀ କରୁଥିବା ମଧ୍ୟ ଅଭିଯୋଗ କରିଛନ୍ତି ସାଧାରଣ ଲୋକେ।