ଅନଲାଇନରେ ସାମଗ୍ରୀ ଅର୍ଡର କରୁଛନ୍ତି କି? ସାବଧାନ! ହୋଇପାରନ୍ତି ସଂକ୍ରମିତ
1 min read
ସାରା ଦେଶରେ କରୋନା ସଂକ୍ରମଣ ହୁ ହୁ ହୋଇ ବଢ଼ୁଛି। ଏଭଳି ପରିସ୍ଥିତିରେ ଅନେକ ରାଜ୍ୟରେ ସମ୍ପୂର୍ଣ୍ଣ ଲକଡାଉନ୍ ଲାଗୁ କରାଯାଇଛି। ମହାମାରୀର ବିସ୍ତାରକୁ ରୋକିବା ପାଇଁ ସରକାର ବାରମ୍ବାର ଲୋକମାନଙ୍କୁ ଘରେ ରହିବାକୁ ପରାମର୍ଶ ଦେବା ସହ ଲୋକଙ୍କୁ ବାରମ୍ବାର ସାବୁନରେ ହାତ ଧୋଇବାକୁ , ମାସ୍କ ମାସ୍କ ପିନ୍ଧିବାକୁ ଏବଂ ସାମାଜିକ ଦୂରତା ରକ୍ଷା କରିବାକୁ ପରାମର୍ଶ ଦେଉଛନ୍ତି। ତେବେ ଏଭଳି ସମୟରେ ଲୋକମାନେ ଅନଲାଇନ୍ ଡେଲିଭରି ମାଧ୍ୟମରେ ଅତ୍ୟାବଶ୍ୟକ ସାମଗ୍ରୀ ଅର୍ଡର କରୁଛନ୍ତି। ହେଲେ ଏହି ଅନଲାଇ ଡେଲିଭରି ବି ଆପଣଙ୍କୁ ସଂକ୍ରମିତ କରିପାରେ। ତେବେ ଆସନ୍ତୁ ଜାଣିବା କେମିତି ରହିବେ ସାବଧାନ।
କଣ୍ଟାକ୍ଟ ଫ୍ରି ଡେଲିଭରି:
ମନେରଖନ୍ତୁ ଯେତେବେଳେ ବି ଅନଲାଇନ ଅର୍ଡର କରୁଛନ୍ତି ସେତେବେଳେ କଣ୍ଟାକ୍ଟ ଫ୍ରି ଡେଲିଭରି ଚୟ କରନ୍ତୁ। ଧ୍ୟାନ ରଖନ୍ତୁ ଯେପରି ଡେଲିଭରି ବୟ ସହ ଆପଣଙ୍କ ଯୋଗାଯୋଗ ନ ହେବ। ଡେଲିଭରି ବୟଙ୍ ଫୋନ କରି ପ୍ୟାକେଟକୁ ଆପଣଙ୍କ ଘର ବାହାରେ ଛାଡିଦେବାକୁ କୁହନ୍ତୁ। ଏବଂ କେବଳ ଅନଲାଇନ୍ ପେମେଣ୍ଟ କରନ୍ତୁ।
ପରିଷ୍କାର ପରିଛନ୍ନତା ଗୁରୁତ୍ୱପୂର୍ଣ୍ଣ:
ପ୍ୟାକେଜ୍ ନେବା ପରେ, WHO ନିର୍ଦ୍ଦେଶାବଳୀ ଅନୁଯାୟୀ ସାବୁନ୍ କିମ୍ବା ହ୍ୟାଣ୍ଡୱାସ୍ ସହିତ ହାତକୁ ଭଲ ଭାବରେ ଧୋଇ ଦିଅନ୍ତୁ ନଚେତ ସାନିଟାଇଜର ସ୍ପ୍ରେ କରି କିଛି ସମୟ ରଖିଦିଅନ୍ତୁ। ଏବଂ କିଛି ସମୟ ପରେ ଏହାକୁ ଖୋଲୋନ୍ତୁ ମନେ ରଖନ୍ତୁ ପ୍ୟାକେଜ୍ ଧରିବା ପରେ ନାକ, ପାଟି ଏବଂ ଆଖିକୁ ନିଜ ହାତରେ ସ୍ପର୍ଶ କରନ୍ତୁ ନାହିଁ।
ପ୍ୟାକେଜିଂକୁ ତୁରନ୍ତ ଫୋପାଡ଼ନ୍ତୁ:
ଅର୍ଡର ହୋଇଥିବା ଆଇଟମଗୁଡିକର ଖୋଳ ବା ପ୍ୟାକେଜିଂକୁ ତୁର୍ନ୍ତ ଢାଙ୍କୁଣୀ ଥିବା ଡଷ୍ଟବିନରେ ପକାନ୍ତୁ। ମନେରଖନ୍ତୁ ଯେ କାଗଜ ଏବଂ ପ୍ଲାଷ୍ଟିକ ଭଳି ଜିନିଷରେ ଏହି ଜୀବାଣୁ ଦୀର୍ଘ ସମୟ ପର୍ଯ୍ୟନ୍ତ ଜୀବନ୍ତ ରହିପାରିବେ। ତେଣୁ ପ୍ୟାକେଜିଂ ଆଇଟମଗୁଡିକ ତୁରନ୍ତ ପକାଇଦିଅନ୍ତୁ। ଓ ଏହାପରେ ହାତକୁ ଭଲ ଭାବରେ ପରିଷ୍କାର କରିନ୍ତୁ।
