ମଦ ପିଇ ଗାଡି ଚଲାଉଥିବା ଡ୍ରାଇଭରଙ୍କ ଉପରେ କାର୍ଯ୍ୟାନୁଷ୍ଠାନ

ଭୁବନେଶ୍ୱର: ମଦୁଆ ଗାଡି ଚାଳକଙ୍କୁ ନିସ୍ତାର ନାହିଁ। ଶନିବାର ରାତିରେ ମଦ ପିଇ ଗାଡି ଚଲାଉଥିବା ଡ୍ରାଇଭରଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିଛି କମିଶନରେଟ ପୋଲିସ। ଗାଡିକୁ ଜବତ କରିବା ସହ ଗାଡି ଚଲାଉଥିବା ଡ୍ରାଇଭରଙ୍କ ବିରୋଧରେ କେସ ରୁଜୁ କରାଯାଇଛି। ଭରତପୁର ଥାନା ପକ୍ଷରୁ ୨ ଟି କେସରେ ୨ ଗାଡି ଜବତ ସହ ୨ ଗାଡି ଚାଳକଙ୍କ ବିରୋଧରେ କେସ ରୁଜୁ ହୋଇଛି।

ସେହିପରି ବଡ଼ଗଡ଼ ଥାନାରେ ୨ ଟି କେସ, ଲକ୍ଷ୍ମୀସାଗରରେ ୨ ଟି କେସ, ଜଟଣୀ ଥାନା ୫ ଟି କେସ, ଖଣ୍ଡଗିରି ୨ଟି କେସ, ଖାରବେଳ ନଗର ଗୋଟିଏ କେସ ରୁଜୁ କରିଛି। ମୋଟ ୨୧ ଟି କେସ ଅଧୀନରେ ୨୧ ଜଣଙ୍କ ବିରୋଧରେ କେସ ରୁଜୁ କରାଯାଇଛି। ଆଗାମୀ ଦିନରେ ‘ସେଫ ସିଟି ଡ୍ରାଇଭ’ ଅଧୀନରେ ଏଭଳି ଚଢ଼ାଉ ଜାରି ରହିବ ବୋଲି ସୂଚନା ଦେଇଛନ୍ତି ଭୁବନେଶ୍ୱର ଡିସିପି ପ୍ରତୀକ ସିଂ।