ଜମି ବିବାଦରୁ ପୁରୀରେ ଡବଲ ମର୍ଡର, ବାପପୁଅଙ୍କୁ ହତ୍ୟା

ପୁରୀ: ଜମିଜମା ବିବାଦକୁ ନେଇ ପୁରୀରେ ଡବଲ ମର୍ଡର । ସଦର ଥାନା ସମଙ୍ଗରା ଗାଁରେ ବାପ ପୁଅଙ୍କୁ ହତ୍ୟା କରାଯାଇଥିବାର ଅଭିଯୋଗ ହୋଇଛି । ମୃତକ ହେଲେ ରବି ସ୍ଵାଇଁ ଓ ତାଙ୍କ ପୁଅ ପ୍ରକାଶ ସ୍ଵାଇଁ ।

ଆଗରୁ ଜମି ବିବାଦକୁ ନେଇ ରବି ଓ ଜଟି ପ୍ରଧାନଙ୍କ ପରିବାର ମଧ୍ୟରେ ବିବାଦ ଲାଗି ରହିଥିଲା । ଗତକାଲି ତାହା ଉଗ୍ରରୂପ ଧାରଣ କରିଥିଲା । ସମାଧାନ ପାଇଁ ଗାଁରେ ବୈଠକ ଚାଲିଥିବା ବେଳେ ବୈଠକରୁ ଉଠି ଆସି ଜଟି ଓ ତାଙ୍କ ପୁଅମାନେ ଧାରୁଆ ଅସ୍ତ୍ରରେ ରବି ଓ ତାଙ୍କ ପରିବାରକୁ ଆକ୍ରମଣ କରିଥିଲେ । ଏଥିରେ ଗୁରୁତର ଆହତ ହୋଇଥିଲେ ରବି ଓ ତାଙ୍କ ପୁଅ ପ୍ରକାଶ । ପ୍ରଥମେ ପ୍ରକାଶଙ୍କ ମୃତ୍ୟୁ ଘଟିଥିଲା । ଗୁରୁତର ଅବସ୍ଥାରେ ରବିଙ୍କୁ କଟକ ନିଆଯାଉଥିବା ବେଳେ ତାଙ୍କର ମଧ୍ୟ ମୃତ୍ୟୁ ଘଟିଛି ।

ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।