ପାରାଦୀପ କୁଜଙ୍ଗରେ ଡବଲ ମର୍ଡର, ଦୁଇ ମହିଳାଙ୍କୁ ଖଣ୍ଡାରେ ହାଣି ହତ୍ୟା

ପାରାଦୀପ: ପାରାଦୀପ କୁଜଙ୍ଗରେ ଡବଲ ମର୍ଡର । ଦୁଇ ମହିଳାଙ୍କୁ ଖଣ୍ଡାରେ ହାଣି ହତ୍ୟା । କୁଜଙ୍ଗ ଏକ୍ସପ୍ରେସ ଓ୍ବେ କଲୋନୀରେ ଘଟିଛି ଏଭଳି ଅଭାବନୀୟ ଘଟଣା । ମୃତ ଦୁଇ ମହିଳା ହେଲେ ନିର୍ମଳା ଲେଙ୍କା ଓ ଅନିତା ରାଉତ । ହତ୍ୟାର କାରଣ ଅସ୍ପଷ୍ଟ ଥିବା ବେଳେ, ଯୁବକଙ୍କୁ ଗିରଫ କରିଛି କୁଜଙ୍ଗ ପୋଲିସ । ସୂଚନା ଅନୁସାରେ, ବଳରାମପୁର ନ୍ୟାସନାଲ ସ୍କୁଲ ନିକଟରେ ଚିଣ୍ଟୁନାଥ ନାମକ ଜଣେ ଯୁବକ ସେହି ଗ୍ରାମର ଦୁଇ ଜଣ ମହିଳାକୁ ଏକ ଧାରୁଆ ଅସ୍ତ୍ରରେ ଅତିନିର୍ମମ ଭାବେ ହତ୍ୟା କରିଛି । ଦୁଇ ମହିଳାଙ୍କ ଚିତ୍କାର ଶୁଣି ଗ୍ରାମବାସୀ ପହଞ୍ଚି ଅଭିଯୁକ୍ତକୁ କାବୁ କରି ପୋଲିସକୁ ଖବର ଦେଇଥିଲେ । ଘଟଣାସ୍ଥଳରେ କୁଜଙ୍ଗ ପୋଲିସ ପହଞ୍ଚି ଅଭିଯୁକ୍ତକୁ ଗିରଫ କରି ଘଣାର ତଦନ୍ତ କରୁଛି । ଦୁଇ ମହିଳାଙ୍କ ମୃତ୍ୟୁକୁ ନେଇ ଗାଁରେ ଶୋକାକୂଳ ପରିବେଶ ସୃଷ୍ଟି ହୋଇଛି ।