ହସ୍ପିଟାଲକୁ ମଧ୍ୟ ସାରା ବିଶ୍ୱକୁ ଧ୍ୱସଂ କରିପାରୁଥିବା ‘ନ୍ୟୁକ୍ଳିୟର ଫୁଟବଲ’ ନେଇ ଯାଇଛନ୍ତି ଡୋନାଲ୍ଡ ଟ୍ରମ୍ପ

ଓ୍ୱାସିଂଟନ: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କରୋନା ସଂକ୍ରମିତ ଚିହ୍ନଟ ହେବା ପରେ ତାଙ୍କୁ ଓ୍ୱାଲ୍ଟର ରୋଡ ନ୍ୟାସନାଲ ମେଡିକାଲ ସେଣ୍ଟରକୁ ନିଆଯାଇଛି । ସ୍ଥାନାନ୍ତର ବେଳେ ତାଙ୍କ ସହ କିଛି ଜିନିଷ ନିଆଯାଉଥିବା ଦେଖିବାକୁ ମିଳିଛି । ଯାହା ଉପରେ ଏବେ ସମସ୍ତଙ୍କ ନଜର ରହିଛି । ଡୋନାଲ୍ଡ ଟ୍ରମ୍ପ ନିଜ ସହିତ ନ୍ୟୁକ୍ଳିୟର ଫୁଟବଲ ନେଇ କରିଯାଇଛନ୍ତି । ଯାହା ସାରା ବିଶ୍ୱକୁ ଧ୍ୱସଂ କରିପାରେ । କରୋନା ସଂକ୍ରମିତ ହେଲା ପରେ ବି ପ୍ରୋଟକଲ ପାଳନ ଦୃଷ୍ଟିରୁ ତାଙ୍କ ସହ ନ୍ୟୁକ୍ଳିୟର ଫୁଟବଲକୁ ନିଆଯାଇଥିଲା ।

ଟ୍ରମ୍ପଙ୍କ ସହିତ ଯାଇଛି ସୁଟକେସ୍

ସୁଟକେସଟି ସର୍ବଦା ଆମେରିକୀୟ ରାଷ୍ଟ୍ରପତିଙ୍କ ସହିତ ରହିଥାଏ । ଏହାକୁ Presidential Emergency Satchel କୁହାଯାଏ । ତାଙ୍କ ସହିତ ଜଣେ ସାଥି ମଧ୍ୟ ରହିଥାନ୍ତି ଯିଏ ଆବଶ୍ୟକ ପଡ଼ିଲେ ତୁରନ୍ତ ପରମାଣୁ ଆକ୍ରମଣ କରିବାକୁ ପ୍ରସ୍ତୁତ ରହିଥାଏ ।

୧୯୬୨ ମସିହାରେ କ୍ୟୁବନ ମିସାଇଲ ସଂକଟ ପରେ ତତ୍କାଳୀନ ରାଷ୍ଟ୍ରପତି ଜନ୍ଏଫ୍ କେନେଡି ଆମେରିକା ପ୍ରତି ବିପଦ ଅନୁଭବ କରିଥିଲେ । ଏହା ପର ଠାରୁ ଆମେରିକାର ସବୁ ରାଷ୍ଟ୍ରପତିଙ୍କ ସହିତ ଏହି ଏହି ଫୁଟବଲଟି ରହିଥାଏ । ଏବଂ ଏହା ସବୁ ସମୟରେ ପରମାଣୁ ଆକ୍ରମଣ ନେଇ ପ୍ରସ୍ତୁତ ରଖାଯାଇଥାଏ ।  ଏହାକୁ ଏହାର ନାମ Eisenhower ସମୟର ପରମାଣୁ ଯୁଦ୍ଧ ପ୍ଳାନ୍ Dropkick ଠାରୁ ମିଳିଥିଲା । ଏହାର ଉଦ୍ଦେଶ୍ୟ ଥିଲା ସବୁ ସମୟରେ ରାଷ୍ଟ୍ରପତିଙ୍କୁ ପରମାଣୁ ଯୁଦ୍ଧ ପାଇଁ ପ୍ରସ୍ତୁତ ରଖିବା । ଏଭଳି ମୋଟ ୩ ବ୍ୟାଗ୍ ରହିଛି । ଗୋଟିଏ ରାଷ୍ଟ୍ରପତି ଅନ୍ୟ ଏକ ଉପ ରାଷ୍ଟ୍ରପତି ଏବଂ ତୃତୀୟ ଟି ହ୍ୱାଇଟ୍ ହାଉସ୍ ଭିତରେ ରହିଥାଏ । ଏହାକୁ ଦେଖୁଥିବା ଅଫିସରଙ୍କ ନିକଟରେ Beretta  ପିସ୍ତଲ ରହିଥାଏ । ଫଳରେ ସେମାନେ ଏହାକୁ ସୁରକ୍ଷା ଯୋଗାଇପାରିବେ ।

ତେବେ ଏ ସମ୍ପର୍କିତ ସମସ୍ତ ସୂଚନାକୁ ସାର୍ବଜାନୀନ କରାଯାଇନାହିଁ । ଏଥିରେ ସବୁବେଳେ ପରିବର୍ତ୍ତନ କରାଯାଏ । ତେବେ ସୁଟକେସ୍ ବାହାରକୁ ଏକ ଆଣ୍ଟିନା ବାହାରିଥାଏ । ଏଥିସହିତ ସେଟାଲାଇଟ୍ ଫୋନ୍, ୭୫ ପୃଷ୍ଠାର ଏକ ପୁସ୍ତକ ମଧ୍ୟ ଏହି ସୁଟକେସ୍ ମଧ୍ୟରେ ରହିଛି । ଯେଉଁଥିରେ ରାଷ୍ଟ୍ରପତିଙ୍କ ପାଇଁ ପରମାଣୁ ଆକ୍ରମଣର ବିକଳ୍ପ ଦିଆଯାଇଥାଏ । ଏକ ଲେମିନେଟ୍ ହୋଇଥିବା କାର୍ଡ ‘Biscuit’ ଏବଂ ସେନାର ପ୍ରମୁଖ ଅଧିକାରୀ ଏବଂ ବ୍ରଡକାଷ୍ଟ ସମ୍ପର୍କ ନମ୍ୱର ମଧ୍ୟ ରହିଥାଏ । ଏହା ଏକ କ୍ରେଡିଟ କାର୍ଡ ଭଳି ଲାଗିଥାଏ ଯାହା ଉପରେ ଲେଟର ଏବଂ ନମ୍ୱର ଲାଗିଥାଏ ।