ପଳାତକ ହୀରା ବ୍ୟବସାୟୀ ମେହୁଲ ଚୋକସିଙ୍କ ଜାମିନ ମଞ୍ଜୁର କଲେ ଡୋମିନିକା କୋର୍ଟ

1 min read

ନୂଆଦିଲ୍ଲୀ: ପଳାତକ ହୀରା ବ୍ୟବସାୟୀ ମେହୁଲ ଚୋକସିଙ୍କ ଜାମିନ ଆବେଦନକୁ ମଞ୍ଜୁର କରିଛନ୍ତି ଡୋମିନିକା କୋର୍ଟ । ଏଥିସହିତ ଆଣ୍ଟିଗୁଆା ଓ ବାରବୁଡ଼ାକୁ ଯାତ୍ରା ନେଇ ମଧ୍ୟ ଅନୁମତି ଦେଇଛନ୍ତି କୋର୍ଟ । ଚୋକସି ଏବେ ଅସୁସ୍ଥ ଥିବାରୁ ଆଣ୍ଟିଗୁଆ ହସ୍ପିଟାଲରେ ଚିକିତ୍ସା ପାଇଁ ଡୋମିନିକା ହାଇକୋର୍ଟ ନିକଟରେ ଜାମିନ ଆବେଦନ କରିଥିଲେ । ଚିକିତ୍ସା ଶେଷ ହେବା ପରେ ଡୋମିନିକାରେ ଅବୈଧ ପ୍ରବେଶ ନେଇ ଡୋମିନିକା ଫେରିବା ପାଇଁ ଚୋକସିଙ୍କୁ ନିର୍ଦ୍ଦେଶ ଦେଇଛନ୍ତି କୋର୍ଟ । ଆଣ୍ଟିଗିଆରୁ ଫେରାର ହୋଇ ଡୋମିନିକା ପୋଲିସ ଦ୍ୱାରା ଗିରଫ ହୋଇଥିଲା ମେହୁଲ ଚୋକସୀ । ପଞ୍ଜାବ ନ୍ୟାସନାଲ ବ୍ୟାଙ୍କରୁ ୧୩ ହଜାର ୫୦୦ କୋଟି ଟଙ୍କା ଠକି ନେଇ ଦେଶ ଛାଡି ବିଦେଶରେ ରହୁଛନ୍ତି ହୀର ବ୍ୟବସାୟୀ ମେହୁଲ ଚୋକସି। ତାଙ୍କୁ ଭାରତ ଫେରାଇ ଆଣିବା ପାଇଁ ସବୁ ପ୍ରକାରର ପ୍ରୟାସ ଜାରି ରହିଛି ।

ଅପରପକ୍ଷରେ ମାନବିକତା ଦୃଷ୍ଟିକୋଣରୁ ଚିକିତ୍ସା ନେଇ ମାନ୍ୟବର କୋର୍ଟ ତାଙ୍କ ଜାମିନ ଆବେଦନ ମଞ୍ଜୁର କରିଥିବା ଚୋକସିଙ୍କ ଓକିଲ ବିଜୟ ଅଗ୍ରଓ୍ୱାଲ କହିଛନ୍ତି । ଏବଂ ଏହା ବିରୋଧ ବିଭିନ୍ନ ତଦନ୍ତକାରୀ ସଂସ୍ଥାଙ୍କ ଆବେଦନ ବିଫଳ ହୋଇଥିବା କହିଛନ୍ତି । ସୂଚନା ଯୋଗ୍ୟ ଯେ, ଜୁଲାଇ ୨୩ ତାରିଖରେ ଚୋକସିଙ୍କ ଜାମିନ ଆବେଦନର ଶୁଣାଣି ହେବାର ଥିଲା କିନ୍ତୁ ସ୍ୱାସ୍ଥ୍ୟଗତ ଦୃଷ୍ଟିକୋଣରୁ ଜୁଲାଇ ୧୨ ତାରିଖରେ ଏହାର ଶୁଣାଣି କରିଥିଲେ । ସେ  ନ୍ୟୁରୋଲୋଜିକାଲ୍ ଡିସଅର୍ଡରରେ ପୀଡ଼ିତ ଥିବା କୋର୍ଟରେ ଓକିଲଙ୍କ ପକ୍ଷରୁ ଦର୍ଶାଯାଇଛି ।

ଏଥିସହିତ ପଢ଼ନ୍ତୁ: କମୁଛି ଆକ୍ରାନ୍ତଙ୍କ ସଂଖ୍ୟା: ବଢ଼ୁଛି ମୃତକଙ୍କ ସଂଖ୍ୟା

 

Opn Commnet Area

Leave a Reply

Your email address will not be published. Required fields are marked *

ନଜର ପକାନ୍ତୁ

Close Bitnami banner