ନୂଆଗାଁ ତହସିଲଦାର ନିଲମ୍ୱିତ
ନୟାଗଡ଼: ନୂଆଗାଁ ତହସିଲ୍ଦାରଙ୍କ ବିରୋଧରେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ । ନୂଆଗାଁ ଶରତ କୁମାର ମଲ୍ଲିକଙ୍କୁ ନିଲମ୍ୱିତ କରିଛନ୍ତି ରାଜ୍ୟପାଳ । ଓସିଏସ୍ ନିୟମ ୧୯୬୨ ଅନୁଯାୟୀ ତହସିଲଦାରଙ୍କ ବିରୋଧରେ ଏହି ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି ରାଜ୍ୟପାଳ ପ୍ରଫେସର ଗଣେଶୀ ଲାଲ । ତେବେ ପରବର୍ତ୍ତୀ ଆଦେଶ ଯାଏଁ ନୟାଗଡ଼ ଜିଲ୍ଲାପାଳଙ୍କ କାର୍ଯ୍ୟାଳୟରେ ରହିବେ ଶରତ କୁମାର ମଲ୍ଲିକ । ବିନା ଅନୁମତି ଜିଲ୍ଲା ସଦରମହକୁମା ଛାଡ଼ିବେ ନାହିଁ। ତେବେ ସେ ଓଡ଼ିଶା ସର୍ଭିସ୍ କୋଡ୍ ଅନୁସାରେ ସବ୍ସିଷ୍ଟେନ୍ସ ଭତ୍ତା ପାଇବାକୁ ଯୋଗ୍ୟ। ଏ ନେଇ ରାଜସ୍ୱ ଓ ବିପର୍ଯ୍ୟୟ ପରିଚାଳନା ବିଭାଗ ପକ୍ଷରୁ ଏକ ପ୍ରେସ ବିଜ୍ଞପ୍ତି ଜରିଆରେ ସୂଚିତ କରାଯାଇଛି ।
