ଝାରସୁଗୁଡ଼ାରେ ଡାଇରିଆ ଆତଙ୍କ, ୬୬ରେ ଆକ୍ରାନ୍ତଙ୍କ ସଂଖ୍ୟା

ଝାରସୁଗୁଡା:  ଲଖନପୁର ବ୍ଲକରେ ଝାଡ଼ାବିନ୍ତି ଆକ୍ରାନ୍ତଙ୍କ ସଂଖ୍ୟା ୬୬ରେ ପହଞ୍ଚିଛି l ଲଖନପୁର ବ୍ଲକର ବାଦିମାଲ ଓ ପିଥିଣ୍ଡାରୁ ଅନ୍ଯ ଗ୍ରାମକୁ ବ୍ୟାପିଛି ଝାଡ଼ାବାନ୍ତି । ପିଥିଣ୍ଡା ଗାଁରେ ୧୯ ଜଣ ନୂତନ ଭାବେ ଆକ୍ରାନ୍ତ ହୋଇଥିବା ବେଳେ ମୋଟ ଆକ୍ରାନ୍ତଙ୍କ ସଂଖ୍ଯା ୪୫ରେ ପହଞ୍ଚିଛି । ସେମାନଙ୍କ ମଧ୍ଯରୁ ୧୫ ଜଣଙ୍କୁ ଲଖନପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି । ସେହିପରି ବାଦିମାଲରେ ଗତକାଲି ୨ ଆକ୍ରାନ୍ତଙ୍କୁ ମିଶାଇ ମୋଟ ୧୪ ଜଣ ଆକ୍ରାନ୍ତ ହୋଇଛନ୍ତି ।

ସୂଚନା ମୁତାବକ ଆକ୍ରାନ୍ତଙ୍କ ମଧ୍ୟରୁ ଗତକାଲି ଜଣେ ଯୁବତୀଙ୍କ ମୃତ୍ୟୁ ଘଟିଥିବା ବେଳେ ୪ ଜଣଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଛି । ସ୍ବାସ୍ଥ୍ୟ ବିଭାଗ ପକ୍ଷରୁ ୩ଟି ଗାଁରେ ପ୍ରତିଷେଧକ ଔଷଧ, ଓଆରଏସ୍ ପ୍ୟାକେଟ୍ ବିତରଣ କରାଯାଇଛି । ନଳକୂପର ଜଳକୁ ଫୁଟାଇ ପିଇବା ସ୍ବାସ୍ଥ୍ୟ ବିଭାଗ ନିର୍ଦ୍ଦେଶ ଦେଇଛି ।