ଭାଇରାଲ ହେଉଛି ଧୀରଜ ସାହୁଙ୍କ ପୁରୁଣା ଟୁଇଟ୍

ଭୁବନେଶ୍ବର: ଝାରଖଣ୍ଡର କଂଗ୍ରେସ ରାଜ୍ୟସଭା ସାଂସଦ ଧୀରଜ ସାହୁଙ୍କ ଲିଙ୍କରେ ଆଇଟି ରେଡ ଜାରି ରହିଥିବା ବେଳେ ତାଙ୍କର ଏକ ଟୁଇଟ ଏବେ ଭାଇରାଲ ହେଉଛି  । ୧୨ ଅଗଷ୍ଟ ୨୦୨୨ରେ ସେ ଏହି ଟୁଇଟ କରିଥିଲେ  ।  ଧୀରଜ ସାହୁ ଲେଖିଥିଲେ ଯେ ବିମୁଦ୍ରୀକରଣ ପରେ ବି ଏତେ ମାତ୍ରାରେ କଳାଧନ ଦେଖି ମନ ବ୍ୟଥିତ ହେଉଛି  ।  କିଛି ଜଣାପଡୁନି ଲୋକେ କେମିତି ଏତେ କଳାଧନ ଜମା କରୁଛନ୍ତି  । ଦେଶରୁ କେହି ଯଦି ଭ୍ରଷ୍ଟାଚାର ହଟେଇପାରେ, ସେ ହେଉଛି ଏକ ମାତ୍ର କଂଗ୍ରେସ ଦଳ ବୋଲି ଧୀରଜ ସାହୁ ଟୁଇଟ କରିଥିଲେ । ଆଜି ତାଙ୍କ ପାଖରୁ ଶହ ଶହ କୋଟି ମିଳିବା ପରେ ଏହି ଟୁଇଟ ଏବେ ଭାଇରାଲ ହେଉଛି ।