କ୍ୟାମେରାମ୍ୟାନ ମାନସ ସ୍ୱାଇଁ ହତ୍ୟା ମାମଲା, କ୍ରାଇମବ୍ରାଞ୍ଚ ତଦନ୍ତ ପାଇଁ ଡିଜିପିଙ୍କ ନିର୍ଦ୍ଦେଶ

ଭୁବନେଶ୍ୱର: କ୍ୟାମେରାମ୍ୟାନ୍ ମାନସ ସ୍ୱାଇଁ ହତ୍ୟା ମାମଲା । ମାମଲାର କ୍ରାଇମବ୍ରାଞ୍ଚ ତଦନ୍ତ ନିର୍ଦ୍ଦେଶ ଦେଇଛନ୍ତି ପୋଲିସ ଡିଜି । ତଦନ୍ତ ପାଇଁ କ୍ରାଇମବ୍ରାଞ୍ଚ ୨ଟି ଟିମ୍ ଗଠନ କରିଛି । ଭଦ୍ରକରେ ଗୋଟିଏ ଟିମ୍ ଓ ଆଉ ଗୋଟିଏ ଟିମ୍ ଅନ୍ୟ ସ୍ଥାନରେ ତଦନ୍ତ କରିବ । ଖୁବଶୀଘ୍ର କ୍ରାଇମବ୍ରାଞ୍ଚ ଟିମ୍ ଭଦ୍ରକର ଚାନ୍ଦବାଲି ଯିବ । ଜଣେ ଡିଏସପି ଟିମର ନେତୃତ୍ୱ ନେବେ ।

DGP, Odisha has ordered for taking up of investigation of Chandbali PS Case No. 63 dated 14.02.2022 of Bhadrak District by CID-Crime Branch in view of its gravity and involvement of multiple districts.

— Odisha Police (@odisha_police) March 23, 2022

ଶର୍ମିଷ୍ଠାଙ୍କୁ ଧରିବାକୁ ଗୋଟିଏ ଟିମ୍ କାମ କରିବ ବୋଲି କହିଛନ୍ତି କ୍ରାଇମବ୍ରାଞ୍ଚ ଏଡିଜି ସଞ୍ଜୀବ ପଣ୍ଡା । ଅନ୍ୟପଟେ ଚାନ୍ଦବାଲି ଥାନାରେ ଶ୍ରମିଷ୍ଠା ରାଉତର ଭାଇ ପରମେଶ୍ୱରକୁ ପୋଲିସ ପଚରାଉଚରା କରୁଛି । ପରେମଶ୍ୱର ଆକାଉଣ୍ଟରୁ ଶର୍ମିଷ୍ଠାଙ୍କ ଆକାଉଣ୍ଟକୁ ୧୦ ହଜାର ଟଙ୍କା ପଠା ଯାଇଛି । କ୍ରାଇମବ୍ରାଞ୍ଚ ପକ୍ଷରୁ ଡିଏସପି କଳ୍ପନା ସାହୁ ତଦନ୍ତକାରୀ ଅଧିକାରୀ ରହିଛନ୍ତି ।

ମାନସ ମାମଲାର ମାଷ୍ଟରମାଇଣ୍ଡ ଶର୍ମିଷ୍ଠାଙ୍କୁ ଧରିବାକୁ ପୋଲିସ ବିଭିନ୍ନ ସ୍ଥାନରେ ରେଡ୍ କରିଛି । ଶର୍ମିଷ୍ଠା ରହୁଥିବା ଆପାର୍ଟମେଣ୍ଟରୁ ତାଙ୍କ ଗାଡ଼ିକୁ ଜବତ କରାଯାଇଛି । ସନ୍ଦେହ କରାଯାଉଛି ଜବତ କରାଯାଇଥିବା କାରରେ ହିଁ ମାନସକୁ ଅପହରଣ କରାଯାଇଥିଲା । କାର ଜବତ ପରେ ସେହି ଆପାର୍ଟମେଣ୍ଟର ସିକ୍ୟୁରିଟି ଗାର୍ଡ ଦେଇଛନ୍ତି ବିସ୍ଫୋରକ ବୟାନ । ସେ କହିଛନ୍ତି, ଅବସରପ୍ରାପ୍ତ ଓଆଇଏସ୍ ଅଧିକାରୀ ନିରଂଜନ ସେଠୀ ସେଠାକୁ ବାରମ୍ବାର ଆସୁଥିଲେ । କିନ୍ତୁ ସେ ରେଜିଷ୍ଟରରେ ସ୍ୱାକ୍ଷର କରୁନଥିଲେ । ସମ୍ପୂର୍ଣ୍ଣ ଅଫିସର ସେ ଚେୟାରମ୍ୟାନ ତେଣୁ ତାଙ୍କର ସ୍ୱାକ୍ଷର ଦରକାର ନାହିଁ ବୋଲି ଶର୍ମିଷ୍ଠା ତାଗିଦ କରିଥିଲେ ବୋଲି କହିଛନ୍ତି ସିକ୍ୟୁରିଟି ଗାର୍ଡ ।