ବେଆଇନ୍ ଚାଲାଣ ବେଳେ ୨୨ ଗୋରୁ ଉଦ୍ଧାର, ୫ ଗିରଫ

ଦେବଗଡ଼: ପାଟ୍ରୋଲିଂ ବେଳେ ଗୋରୁ ବୋଝେଇ ଟ୍ରକ୍ ଜବତ । ତିଲେଇବଣି ୪୯ ନମ୍ବର ଜାତୀୟ ରାଜପଥରୁ ଗୋରୁ ବୋଝେଇ ଟ୍ରକ୍ ଜବତ କରିଛି ଦେବଗଡ଼ ଥାନା ପୋଲିସ । ଜବତ ଟ୍ରକରୁ ୨୨ ଗୋରୁଙ୍କୁ ଉଦ୍ଧାର କରାଯାଇଛି । ଏନେଇ ଦେବଗଡ଼ ଏସପି ରାଜକିଶୋର ପାଇକରାୟ ସୂଚନା ଦେଇଛନ୍ତି । ଟ୍ରକଟି ଗୋରୁଙ୍କୁ ବରଗଡ ଜିଲ୍ଲାରୁ ଏକ କୋଲକାତା ଅଭିମୁଖେ ଯାଉଥିଲେ ।

ଗୋରୁ ଭର୍ତ୍ତି ଟ୍ରକକୁ ୫ ଜଣ ଯୁବକ ଏସକର୍ଟ କରି ନେଉଥିଲେ । ସ୍ୱତନ୍ତ୍ର ସ୍କ୍ୱାଡର ସୂଚନା ଆଧାରରେ ତିଲେଇବଣି ନିକଟରେ ଟ୍ରକକୁ ଅଟକାଇ ପୋଲିସ ଯାଞ୍ଚ କରିଥିଲା । ଯାଞ୍ଚ ବେଳେ ଗୋରୁଙ୍କୁ ବେଆଇନ୍ ଚାଲାଣ କରାଯାଉଥିବା ଜଣାପଡ଼ିଥିଲା । ଟ୍ରକକୁ ଏସକର୍ଟ କରି ନେଉଥିବା ୫ ଯୁବକଙ୍କୁ ଗିରଫ କରିଛି ପୋଲିସ ।