ତିଲେଇବଣିରେ ଚାଲିଛି ପିସି କାରବାର, ଲୋକଙ୍କୁ ଲୁଟୁଛି ବିଜେପି: ସୁବାସ

ଦେବଗଡ଼: ଦେବଗଡ଼ ଜିଲ୍ଲା ତିଲେଇବଣିରେ ଚାଲିଛି ପିସି କାରବାର । ଲୋକଙ୍କୁ ଲୁଟୁଛି ବିଜେପି । କହୁ କହୁ ସତ କହିଦେଲେ ଗିରଫ ବିଜେପି ବିଧାୟକ ସୁବାସ ଚନ୍ଦ୍ର ପାଣିଗ୍ରାହୀ । ବ୍ଲକ ଅଧ୍ୟକ୍ଷା ବୃନ୍ଦାବତୀ ଭୋଇଙ୍କ ବିରୋଧରେ ଲାଞ୍ଚ ନେବାର ଅଭିଯୋଗ ଆଣିଛନ୍ତି ଗିରଫ ବିଧାୟକ । ସବୁଠୁ ଆଶ୍ଚର୍ଯ୍ୟର କଥା ହେଉଛି ଯେଉଁ ବ୍ଲକ ଅଧ୍ୟକ୍ଷାଙ୍କ ବିରୋଧରେ ଗିରଫ ବିଧାୟକ ଅଭିଯୋଗ ଆଣିଛନ୍ତି ସେ ଖୋଦ ବିଜେପି ଦଳର ।

ଗତକାଲି ବିଡିଓଙ୍କ ଉପରେ ଆକ୍ରମଣ ପରେ ବିଧାୟକଙ୍କ ଗୁଣ୍ଡାଗିରିକୁ ସମାଲୋଚନା କରିଥିଲେ ସଂପୃକ୍ତ ବ୍ଲକ ଅଧ୍ୟକ୍ଷା । ବିଧାୟକଙ୍କ ଆଜିର ଅଭିଯୋଗରୁ ସନ୍ଦେହ ହେଉଛି ଯେ ଦେବଗଡ଼ ଜିଲ୍ଲାରେ ବିଜେପି ଦଳର ଆଭ୍ୟନ୍ତରୀଣ କନ୍ଦଳର ପ୍ରତିଫଳନ ଘଟୁଛି । ଯେଉଁଥି ପାଇଁ ବିଡିଓଙ୍କ ଉପରେ ଆକ୍ରମଣ କରାଯାଇଛି ।