ଆତ୍ମହତ୍ୟା ଉଦ୍ୟମକୁ ଦେବଗଡ଼ ବିଜେଡିର ଦୃଢ଼ ନିନ୍ଦା: କହିଲେ, ଜିଲ୍ଲାରେ ଧାନ ସଂଗ୍ରହ ଭଲ ହୋଇଛି
ଦେବଗଡ଼: ବିଧାନସଭାରେ ବିଜେପି ବିଧାୟକ ସୁବାସ ପାଣିଗ୍ରାହୀଙ୍କ ଆତ୍ମହତ୍ୟା ଉଦ୍ୟମ ଘଟଣାକୁ ବିଜେଡିର ଦୃଢ଼ ନିନ୍ଦା । ଦେବଗଡ଼ ବିଜେଡି ପକ୍ଷରୁ ଏକ ସାମ୍ୱାଦିକ ସମ୍ମିଳନୀରେ ଘଟଣାକୁ ଦୃଢ଼ ନିନ୍ଦା କରାଯିବା ସହ ଜିଲ୍ଲାରେ ଧାନ ସଂଗ୍ରହ ଭଲ ହୋଇଥିବା ଦଳ ପକ୍ଷରୁ କୁହାଯାଇଛି । ବିଧାୟକ ସୁବାସଙ୍କ ଆତ୍ମହତ୍ୟା ଉଦ୍ୟମ ଏକ ଡ୍ରାମା, ପଲଟିକାଲ ମାଇଲେଜ୍ ନେବାକୁ ସେ ଏଭଳି କରିଥିବା ବିଜେଡି ପକ୍ଷରୁ ଅଭିଯୋଗ ହୋଇଛି । ଆତ୍ମହତ୍ୟା ନାଟକ କରିଥିବା ସୁବାସ ପାଣିଗ୍ରାହୀ ବିଧାନସଭା ଏବଂ ଦେବଗଡ଼ ଜିଲ୍ଲାବାସୀଙ୍କ ନିକଟରେ କ୍ଷମା ପ୍ରାର୍ଥନା କରନ୍ତୁ ।
ଭାରତ ସରକାର ୫ହଜାର ୬ଶହ କୋଟି ଟଙ୍କା ସବ୍ସିଡି ଦେଉନାହାନ୍ତି । ଏଫ୍ସିଆଇ ଶୀଘ୍ର ଧାନ ଉଠାଉନଥିଲେ ମଧ୍ୟ ରାଜ୍ୟ ସରକାର ନିଜସ୍ବ ବ୍ୟବସ୍ଥାରେ ଚାଷୀଙ୍କ ପାଇଁ ସମସ୍ତ ପଦକ୍ଷେପ ନେଉଛନ୍ତି ବୋଲି ଵିଜେଡି ନେତା ନଳିନୀକାନ୍ତ ପ୍ରଧାନଙ୍କ ସାମ୍ବାଦିକ ସମ୍ମିଳନୀରେ ସୁଚନା ଦେଇଛନ୍ତି ।
