କୋଟାରୁ ଛାତ୍ରଛାତ୍ରୀଙ୍କୁ ଆଣିବା ପାଇଁ ପଠାଗଲା ୪୦ ବସ୍, ଫେରିବା ପରେ କ୍ୱାରେଣ୍ଟାଇନରେ ରହିବେ ୧୪ ଦିନ
ନୂଆଦିଲ୍ଲୀ: ଦିଲ୍ଲୀର ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଆଜି ରାଜଧାନୀ ଦିଲ୍ଲୀର ସ୍ଥିତିକୁ ନେଇ ସାମ୍ବାଦିକ ସମ୍ମୀଳନୀ ରଖିଥିଲେ । ସାମ୍ବାଦିକ ସମ୍ମୀଳନୀରେ ସେ ରଖିଛନ୍ତି ଯେ, ‘ଦିଲ୍ଲୀରେ କରୋନା ଆକ୍ରାନ୍ତଙ୍କ ମାମଲା ବଢ଼ିବାକୁ ଲାଗୁଛି, କିନ୍ତୁ ସ୍ଥିତି ଏବେବି ନିୟନ୍ତ୍ରଣରେ ରହିଛି । ଏଯାବତ ୧୧୦୦ ଜଣ ଆକ୍ରାନ୍ତ ସୁସ୍ଥ ହୋଇସାରିଲଣି । ମୃତକଙ୍କ ସଂଖ୍ୟା ଅନ୍ୟ ଦେଶ କିମ୍ବା ଅନ୍ୟ ରାଜ୍ୟ ତୁଳନାରେ ବହୁତ କମ ରହିଛି ।’
ସେ ଆଉ ମଧ୍ୟ କହିଛନ୍ତି ଯେ, ‘ଯେଉଁ ଛାତ୍ରଛାତ୍ରୀ ମାନେ ଆଇଆଇଟି ପଢ଼ିବା ପାଇଁ କୋଟା ଯାଇଥିଲେ, ସେମାନେ ସେଠାରେ ଫସିଯାଇଛନ୍ତି । ସେମାନେ ବାରମ୍ବାର ନିଜ ଘରକୁ ଫେରିବା ପାଇଁ ଅନୁରୋଧ କରିଥିଲେ ମଧ୍ୟ ସରକାର ଏଥିପ୍ରତି କିଛି କରିପାରୁନଥିଲା । କିନ୍ତୁ ବର୍ତ୍ତମାନ ୪୦ଟି ବସ୍ କୋଟା ଯାଉଛି ଏବଂ ଆଶା କରାଯାଉଛି କାଲି ସେହି ଛାତ୍ରଛାତ୍ରୀ ମାନେ ବସ ଯୋଗେ ଦିଲ୍ଲୀରେ ପହଞ୍ଚିବେ ।’ ଛାତ୍ରଛାତ୍ରୀ ଫେରିବା ପରେ ସମସ୍ତଙ୍କୁ ୧୪ ଦିନ କ୍ୱାରେଣ୍ଟାଇନରେ ରଖାଯିବ ବେଲି ଅରବିନ୍ଦ କେଜ୍ରିୱାଲ କହିଛନ୍ତି ।
ମେ’୩ ପରେ କ’ଣ ରହିବ ରଣନୀତି, ମନ୍ତ୍ରୀମାନଙ୍କ ସହ ଆଲୋଚନା କଲେ ପ୍ରଧାନମନ୍ତ୍ରୀ…
