ଅଭିଜ୍ଞ କୋହଲିଙ୍କ ବାଙ୍ଗାଲୋରକୁ ହରାଇଲା ଯୁବ ଦିଲ୍ଲୀ କ୍ୟାପିଟାଲ୍ସ
ଦୁବାଇ: ଇଣ୍ଡିଆନ ପ୍ରିମିୟର ଲିଗ(ଆଇପିଏଲ) ସୋମବାର ହୋଇଥିବା ଏକ ମୁକାବିଲାରେ ଦିଲ୍ଲୀ କ୍ୟାପିଟାଲ୍ସ ବିଜୟୀ ହୋଇଛି । ଦିଲ୍ଲୀ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରକୁ ୫୯ରନରେ ହରାଇଛି । ପ୍ରଥମେ ବ୍ୟାଟିଂ କରି ଦିଲ୍ଲୀ ନିର୍ଦ୍ଦାରିତ ୨୦ ଓଭରରେ ୪ ଉଇକେଟ ହରାଇ ୧୯୬ ରନ କରିଥିଲା ।
ଦଳପକ୍ଷରୁ ପୃଥ୍ୱୀ ସ ୪୨, ଧାୱନ ୩୨, ଆୟର ୧୧, ପନ୍ଥ ୩୭, ଷ୍ଟୋନିସ ୫୩ ଏବଂ ହେଟମାର ୧୧ରନ କରିଥିଲେ । ଏହାର ଜବାବରେ ବାଙ୍ଗାଲୋର ମାତ୍ର ୧୩୭ ରନ କରିପାରିଥିଲା । ଦଳପକ୍ଷରୁ ପାଡିକଲ ୪, ଫିଞ୍ଚ ୧୩, କୋହଲି ୩୯, ଡିଭିଲିୟର୍ସ ୯, ଅଲ୍ଲା ୧୧ ଏବଂ ୱାଶିଂଟନ ସୁନ୍ଦର ୧୭ ରନ କରିଥିଲେ । ଏହି ବିଜୟ ପରେ ଦିଲ୍ଲୀ ଟେବୁଲର ଶୀର୍ଷରେ ପହଞ୍ଚିଛି । ଆସନ୍ତା କାଲି ମୁମ୍ବାଇ ଇଣ୍ଡିଆନ୍ସ ଏବଂ ରାଜସ୍ଥାନ ରୟାଲ୍ସ ମଧ୍ୟରେ ମୁକାବିଲା ହେବ ।
