ଦିଲ୍ଲୀରେ ବଢୁଛି ପ୍ରଦୂଷଣର ମାତ୍ରା

ନୂଆଦିଲ୍ଲୀ: ଦିଲ୍ଲୀ-ଏନସିଆରରେ ଦିନକୁ ଦିନ ବାୟୁ ଗୁଣବତ୍ତା ଖରାପ ହେବାକୁ ଯାଉଛି। ଯାହାକୁ ଦୃଷ୍ଟିରେ ରଖି ପାଣିପାଗ ବିଭାଗ ପକ୍ଷରୁ ସତର୍କ କରାଯାଇଛି ।

ପ୍ରତିକୂଳ ପାଗ ଯୋଗୁଁ ଡିସେମ୍ବର ୪ରୁ ଡିସେମ୍ବର ୭ ମଧ୍ୟରେ ସ୍ଥିତି ଅଧିକ ଗମ୍ଭୀର ହେବ ବୋଲି ଆଶଙ୍କା କରାଯାଉଛି। ଯଦିଓ  ସମ୍ପ୍ରତି ଦିଲ୍ଲୀର ବାୟୁ ଗୁଣବତ୍ତା ‘ଅତ୍ୟନ୍ତ ଖରାପ’ ବର୍ଗରେ ଅଛି।

ଗତ ମଙ୍ଗଳବାର ଦିନ ସହରରେ ହାରାହାରି ବାୟୁ ଗୁଣବତ୍ତା ସୂଚକାଙ୍କ (ଏକ୍ୟୁଆଇ) ୩୬୭ ରହିଥିଲା । ଯେତେବେଳେକି  ସୋମବାର ଦିନ ଏହା ୩୧୮ ଥିଲା ।

ଭାରତ ପାଣିପାଗ ବିଭାଗର ପରିବେଶ ନିରୀକ୍ଷଣ ଏବଂ ଅନୁସନ୍ଧାନ କେନ୍ଦ୍ରର ମୁଖ୍ୟ ବି.କେ ସୋନି କହିଛନ୍ତି, ‘‘ଡିସେମ୍ବର ୪ରେ ୱେଷ୍ଟର୍ଣ୍ଣ ଡିଷ୍ଟର୍ବାନ୍ସ ଯୋଗୁଁ ପବନର ଗତି ମନ୍ଥର ରହିବ। ବାୟୁ ଗତି ମନ୍ଥର ହେବା ଯୋଗୁଁ ପ୍ରଦୂଷକ କଣିକା ବୃଦ୍ଧି ହୋଇପାଇପାରେ ।