ବିଜେପି ଛାଡ଼ିଲେ ଦାମ

ନିର୍ବାଚନ ପରେ ଯାହା ଆଶା କରାଯାଉଥିଲା ଠିକ୍ ସେଇଆ ହିଁ ହେଲା। ବିଜେପି ଛାଡିଛନ୍ତି ବରିଷ୍ଠ ନେତା ଦାମୋଦର ରାଉତ। ଏନେଇ ସେ ରାଜ୍ୟ ସଭାପତି ବସନ୍ତ ପଣ୍ଡାଙ୍କ ନିକଟକୁ ନିଜର ଇସ୍ତଫାପତ୍ର ପଠାଇ ଦେଇଛନ୍ତି। ସେ ଉଲ୍ଲେଖ କରିଛନ୍ତି ଯେ, ବିଜେଡିରୁ ଇସ୍ତଫା ଦେବାପରେ ବିଜେପିର କିଛି ତୁଙ୍ଗ ନେତା ତାଙ୍କୁ ଦିଲ୍ଲୀ ନେଇ ସେଠାରେ ବିଜେପିରେ ସାମିଲ କରାଇଥିଲେ। ଏହାପରେ ସାଧାରଣ ନିର୍ବାଚନରେ ତାଙ୍କୁ ବିଜେପିର ରାଜ୍ୟ ପ୍ରଚାର କମିଟିର ଆବାହକ କରାଯାଇଥିଲା । ଏଭଳି କରି ବିଜେପି ନିଜ ସପକ୍ଷରେ ଜନମତ ସୃଷ୍ଟି କରିବା ପାଇଁ ତାଙ୍କୁ ନିୟୋଜିତ କରିଥିବା ସେ ଉଲ୍ଲେଖ କରିଛନ୍ତି । ମାତ୍ର ସାଧାରଣ ନିର୍ବାଚନ ପରେ ବିଜେପିର ଦଳୀୟ କାର୍ଯ୍ୟକ୍ରମ, ନୀତି ନିଷ୍ପତ୍ତି ପ୍ରକ୍ରିୟାରେ ତାଙ୍କୁ ସାମିଲ ନକରିବା ଦାମ ବାବୁଙ୍କୁ ମର୍ମାହତ କରିଛି। ଏହା ତାଙ୍କ ଭିତରେ ଗଭୀର ମାନସିକ ଅସନ୍ତୁଳନ ସୃଷ୍ଟି କରିଛି । ଦଳ ତାଙ୍କୁ କୋଣଠେସା କରିଥିବା ସେ ଅଭିଯୋଗ କରିଛନ୍ତି । ୩୫ ବର୍ଷ ବିଧାୟକ, ୬ଥର କ୍ୟାବିନେଟ୍ ମନ୍ତ୍ରୀ ରହିବା ପରେ ତାଙ୍କୁ ଅଲୋଡା ଓ ଅଣଦେଖା କରାଯିବାରୁ ସେ ସକ୍ରିୟ ରାଜନୀତିରୁ ସନ୍ୟାସ ନେବାକୁ ନିଷ୍ପତ୍ତି ନେଇଛନ୍ତି। ମାନସିକ ଭାବେ ସେ ଗଭୀର ଆଘାତ୍ ପାଇଥିବା ଦଳୀୟ ସଭାପତିଙ୍କୁ ଲେଖିଥିବା ଚିଠିରେ ଜଣାଇଛନ୍ତି। ଦଳ ବିରୋଧୀ କାର୍ଯ୍ୟ ପାଇଁ ଦାମଙ୍କୁ ବିଜେଡି ବହିସ୍କାର କରିଥିଲା। ଏବେ ବିଜେପି ଅଣଦେଖା କରିବାକୁ ସେ ରାଜନୀତିରୁ ସନ୍ୟାସ ନେଇଛନ୍ତି । ')}

Leave a Reply

Your email address will not be published.