ଦଧିମାଛ ଗାଡ଼ିଆରେ ଭୂତ ଭୟ

ଖୋର୍ଦ୍ଧା: ଖୋର୍ଦ୍ଧା ଜିଲ୍ଲା କାଇପଦର ପଞ୍ଚାୟତ ଦଧିମାଛ ଗାଡ଼ିଆରେ ମାତିଛି ଭୂତ। ଗୁଣିଗାରେଡ଼ି ଭୟରେ ଲୋକେ ଆତଙ୍କିତ । ପିଲାଙ୍କ ଶରୀରରେ ସବାର ହେଉଛି ଭୂତ। ଭୟରେ ଲୋକେ ଝିଅମାନଙ୍କ ଗୁଣିଆ ଦ୍ବାରା ଝାଡ଼ିବାକୁ ଡରୁଛନ୍ତି । ଭୂତ ଭୟରେ ନିଜ ଘରେ ନରଖି ବନ୍ଧୁବାନ୍ଧବଙ୍କ ଘରକୁ ପଠାଇ ଦେଉଛନ୍ତି । ଗୁଣିଗାରେଡିରୁ ବର୍ତ୍ତିବାକୁ ପୂଜାପାଠର ସହାୟତା ନେଉଛନ୍ତି ଲୋକେ । ତେବେ ଏହା ଏକ ଅନ୍ଧବିଶ୍ବାର ଓ ଏଥିପାଇଁ ଲୋକଙ୍କ ମଧ୍ୟରେ ସଚେତନତାର ଆବଶ୍ୟକତା ଥିବା କହିଛି ପ୍ରଶାସନ ।

ଭୂତ ଡରରେ ଛାତ୍ରଛାତ୍ରୀ ସ୍କୁଲକୁ ଯାଉନଥିବା ଅଭିଯୋଗ ହୋଇଛି । ଖାଁ ଖାଁ ସ୍କୁଲ ଓ ଗାଁ ଦାଣ୍ଡ । ଭୂତ ଭୟ ମଧ୍ୟରେ ଆତଙ୍କ ସୃଷ୍ଟି କରିଛି ଗଛ ଉପର ନାଗରାଜ । ସ୍କୁଲ, କଲେଜରୁ ଫେରିବା ପରେ ପିଲାଙ୍କ ଶରୀରରେ ଦେଖାଯାଉଛି ଅସ୍ବାଭାବିକ ଲକ୍ଷଣ । ଯାହାକୁ ନେଇ ଆତଙ୍କିତ ହୋଇ ପଡିଛନ୍ତି ଗାଁଲୋକ । ଗୁଣି ଗାରେଡ଼ି ଯୋଗୁଁ ଏପରି ସ୍ଥିତି ଉପୁଜିଥିବା ଅଭିଯୋଗ କରିଛନ୍ତି ଗ୍ରାମବାସୀ । ଏହି ଆତଙ୍କ ଭିତରେ ଗଛ ଉପେର ନାଗରାଜକୁ ଦେଖି ସମସ୍ତଙ୍କ ମନରେ ସୃଷ୍ଟି ହୋଇଛି ନୂଆ ଭୟ । ଏନେଇ ଗ୍ରାମବାସୀ କଣ କହୁଛନ୍ତି ଶୁଣନ୍ତୁ ।

ଗୁଣିଆ ଭୟରେ ଲୋକ ଝିଅ ମାନଙ୍କୁ ଝଡ଼ାଫୁଙ୍କା କରିବାକୁ ଡରୁଛନ୍ତି । ଏପରିକି ଗାଁରେ ରହିଲେ ସେମାନଙ୍କ ପିଲାଙ୍କ କ୍ଷତି ହେବ ଭାବି ନିଜ ସମ୍ପର୍କୀୟଙ୍କ ଘରେ ଛାଡ଼ି ଆସୁଛନ୍ତି । ସଂଧ୍ୟା ନଇଁରେ ଗାଁରେ ଗୁଣିର ପ୍ରଭାବ ଦେଖା ଯାଉଥିବା କହୁଛନ୍ତି ଲୋକେ । ଏଥିରୁ ବର୍ତ୍ତିବାକୁ ଲୋକ ପୂଜାପାଠର ଆଶ୍ରୟ ନେଇଛନ୍ତି । ସେପଟେ ଏହି ଘଟଣା ପରେ ଗାଁରେ ପୋଲିସ୍ ଓ ନିଜେ ତହସିଲଦାର ପହଞ୍ଚି ଲୋକଙ୍କୁ ବୁଝାଇବାକୁ ଚେଷ୍ଟା କରିଛନ୍ତି । ଏପରି ଅନ୍ଧବିଶ୍ବାସରୁ ଦୂରେଇ ରହିବାକୁ ପରାମର୍ଶ ଦେଇଛନ୍ତି ।