ବାତ୍ୟାର ରୂପ ନେଲା ସାମୁଦ୍ରିକ ଘୂର୍ଣ୍ଣିଝଡ଼ ଟାଉକଟଏ, ଗୁଜୁରାଟ ମାଙ୍ଗାରୋଲ ନିକଟରେ ଛୁଇଁବ ସ୍ଥଳଭାଗ
1 min read
ଭୁବନେଶ୍ୱର: ବାତ୍ୟାର ରୂପ ନେଲା ସାମୁଦ୍ରିକ ଘୂର୍ଣ୍ଣିଝଡ଼ ଟାଉକଟଏ । ଗୁଜରାଟର ବେରାୱଲ ଓ ପୋରବନ୍ଦର ମଝି ମାଙ୍ଗାରୋଲ ନିକଟରେ ବାତ୍ୟା ଟାଉକଟଏ ସ୍ଥଳଭାଗ ଛୁଇଁବ । ଏନେଇ ମାଙ୍ଗରୋଲ, ପୋରବନ୍ଦର ଓ ବେରାୱଲ, କଚ୍ଛ, ଦ୍ୱାରକାରେ ରେଡ ଆଲର୍ଟ ଜାରି କରିଛି ପ୍ରଶାସନ ।
ସେପଟେ ସାମ୍ଭାବ୍ୟ ବାତ୍ୟାକୁ ଦୃଷ୍ଟିରେ ରଖି ଗୁଜରାଟ ଗଲା NDRF ଟିମ୍ । ବାତ୍ୟା ମୁକାବିଲା ଲାଗି ଓଡ଼ିଶାରୁ ସ୍ୱତନ୍ତ୍ର ବିମାନ ଯୋଗେ ଗୁଜରାଟ ଯାଇଛନ୍ତି NDRFର ୫ ଟିମ । ଏହି ଟିମ୍ରେ ମୋଟ୍ ୧୨୬ଜଣ ସଦସ୍ୟ ରହିଥିବା ବେଳେ ପ୍ରତ୍ୟେକ ଟିମ୍ରେ ଅଛନ୍ତି ୨୫ ଜଣ ସଦସ୍ୟ । କଟକର ଡେପୁଟି କମଣ୍ଡାଣ୍ଟଙ୍କ ନତୃତ୍ବରେ ଏହି ଟିମ୍ଗୁଡ଼ିକୁ ଗୁଜରାଟ ପଠାଯାଇଛି ।
ଗୁଜରାଟ ଓ କେରଳ ପାଇଁ ପାଣିପାଗ ବିଭାଗ ପକ୍ଷରୁ ରେଡ୍ ୱାର୍ଣ୍ଣିଂ ଜାରି କରାଯାଇଥିବା ବେଳେ ମେ’ ୧୮ ସୁଦ୍ଧା ଗୁଜରାଟର ଉପକୂଳକୁ ବାତ୍ୟା ଟାଉକଟଏ ଛୁଇଁବା ଆକଳନ କରାଯାଇଛି ।
