ବାତ୍ୟା ଦାନା ପାଇଁ ବନ୍ଦ ହୋଇଥିବା କୋଣାର୍କ ସୂର୍ଯ୍ୟ ମନ୍ଦିର ଆଜିଠୁ ଖୋଲିଛି, ସ୍ୱାଭାବିକ ହେଲା ଜଗା ଦର୍ଶନ

ପୁରୀ: ପୁରୀରେ ପଡ଼ିନାହିଁ ବାତ୍ୟା ଦାନାର ପ୍ରଭାବ। ସ୍ୱାଭାବିକ ରହିଛି ପୁରୀର ସ୍ଥିତି। ମହାପ୍ରଭୁଙ୍କ ଦର୍ଶନ ପାଇଁ ଯେଉଁ କଟକଣା ଜାରି କରାଯାଇଥିଲା ତାହା ଆଜିଠାରୁ କୋହଳ କରାଯାଇଛି। ସେପଟେ ବାତ୍ୟା ଦାନା ପାଇଁ ବନ୍ଦ ହୋଇଥିବା କୋଣାର୍କ ସୂର୍ଯ୍ୟ ମନ୍ଦିର ଆଜିଠାରୁ ଖୋଲାଯାଇଛି । ୨ ଦିନ ପାଇଁ ହବିଷ୍ୟାଳି ମାନଙ୍କପାଇଁ ଦର୍ଶନ ବନ୍ଦ ଥିବା ବେଳେ ଆଜିଠାରୁ ମହାପ୍ରଭୁଙ୍କ ଦର୍ଶନ କରିପାରିବେ ହବିଷ୍ୟାଳି। ପୁରୀ ଜିଲ୍ଲାରେ ବାତ୍ୟାର ପ୍ରଭାବ ପଡ଼ିନଥିବା ହେତୁ ସମସ୍ତ ପର୍ଯ୍ୟଟକ ଓ ଶ୍ରଦ୍ଧାଳୁ ମାନଙ୍କୁ ପୁରୀ ଆସି ମହାପ୍ରଭୁଙ୍କ ଦର୍ଶନ ସହ ପୁରୀ ବୁଲିବାପାଇଁ ପୁରୀ ଜିଲ୍ଲାପାଳ ସୂଚନା ଦେଇଛନ୍ତି।

ସେପଟେ ଦୁଇ ଦିନ ପାଇଁ ବନ୍ଦ ରହିବା ବିଶ୍ୱ ଐତିହ୍ୟ ପର୍ଯ୍ୟଟନ କ୍ଷେତ୍ର କୋଣାର୍କ ସୂର୍ଯ୍ୟ ମନ୍ଦିର ମଧ୍ୟ ଖୋଲିଛି । ପର୍ଯ୍ୟଟକଙ୍କ ସୁରକ୍ଷାକୁ ନଜରରେ ରଖି କୋଣାର୍କ ମନ୍ଦିର ବନ୍ଦ ରଖିବାକୁ ପ୍ରଶାସନ ନିର୍ଦ୍ଦେଶ ଦେଇଥିଲେ ।