ସ୍ୱର୍ଗଦ୍ୱାରରେ ସମ୍ପନ୍ନ ହେଲା ବିଚାରପତି ସୁବାସଙ୍କ ଶେଷକୃତ୍ୟ
ନନ୍ଦିଘୋଷ ବ୍ୟୁରୋ: କଟକ ସ୍ବତନ୍ତ୍ର ପକ୍ସୋ କୋର୍ଟ ବିଚାରପତି ସୁବାସ ବିହାରୀଙ୍କ ଆତ୍ମହତ୍ୟା ଘଟଣା । ପୁରୀ ସ୍ବର୍ଗଦ୍ବାରରେ ସମ୍ପନ୍ନ ହୋଇଛି ଶେଷକୃତ୍ୟ । ବଡ଼ ଝିଅ ପ୍ରିତିସ୍ନିଗ୍ଧା ଦେଇଛନ୍ତି ମୁଖାଗ୍ନି । ଗତକାଲି ସିଡିଏ ସେକ୍ଟର ୯ ସରକାରୀ ବାସଭବନରେ ରଶି ଲଗାଇ ଆତ୍ମହତ୍ୟା କରିଥିଲେ ସୁବାସ । ପ୍ରଶ୍ନ ଉଠୁଛି କାହିଁକି ଆତ୍ମହତ୍ୟା କଲେ ବିଚାରପତି ସୁବାସ ବିହାରୀ ? ସେନେଇ ଖୋଳତାଡ଼ କରୁଛି ପୋଲିସ ।
ଗତକାଲି ବାପାଙ୍କ ଶ୍ରାଦ୍ଧ ଦିବସ ଥିବା ବେଳେ ଏଭଳି ଚରମ ନିଷ୍ପତ୍ତି କଣ ପାଇଁ ନେଲେ ? ପାରିବାରିକ ନା ବ୍ୟକ୍ତିଗତ କାରଣ ପାଇଁ ଜୀବନ ହାରିଲେ । ଏହାର କାରଣ ଖୋଜୁଛି ପୋଲିସ । ଘରେ ସ୍ତ୍ରୀ ଓ ଝିଅ ନଥିବା ବେଳେ ଆତ୍ମହତ୍ୟା କରିଥିଲେ । ଗତକାଲି ସାଇଣ୍ଟିଫିକ ଟିମ ଘଟଣାସ୍ଥଳରେ ପହଞ୍ଚି ତଦନ୍ତ କରିଥିଲା । ସମ୍ପର୍କୀୟ ଓ ପଡୋଶୀଙ୍କୁ ଅଧିକ ପଚରାଉଚରା କରିବ ପୋଲିସ ।
