ଗୋଟିଏ ଦିନ ବଢ଼ିଲା ବାଲିଯାତ୍ରା, ବୁଧବାର ପରିବର୍ତ୍ତେ ଗୁରୁବାର ହେବ ଶେଷ  

କଟକ: ବଢ଼ିଲା ବାଲିଯାତ୍ରା ଅବଧି । ବୁଧବାର ପରିବର୍ତ୍ତେ ଗୁରୁବାର ଶେଷ ହେବ ବିଶ୍ୱ ପ୍ରସିଦ୍ଧ କଟକର ଐତିହାସିକ ବାଲିଯାତ୍ରା । ଦର୍ଶକଙ୍କ ଉତ୍ସାହକୁ ଦୃଷ୍ଟିରେ ରଖି ବାଲିଯାତ୍ରାକୁ ଆଉ ଗୋଟିଏ ଦିନ ବୃଦ୍ଧି କରିବାକୁ ନିଷ୍ପତ୍ତି ନିଆଯାଇଛି । ତେବେ ଅତିରିକ୍ତ ଗୋଟିଏ ଦିନ ପାଇଁ ବ୍ୟବସାୟୀଙ୍କୁ କୌଣସି ଦେୟ ଦେବାକୁ ପଡ଼ିବନି ବୋଲି ସୂଚନା ଦେଇଛନ୍ତି କଟକ ଜିଲ୍ଲାପାଳ । ସୂଚନା ଅନୁସାରେ ଐତିହାସିକ କଟକ ବାଲିଯାତ୍ରା ବୁଧବାର ଶେଷ ହୋଇଥାନ୍ତା କିନ୍ତୁ ଦର୍ଶକଙ୍କ ଉତ୍ସାହକୁ ଦୃଷ୍ଟିରେ ଗୋଟିଏ ଦିନ ବୃଦ୍ଧି କରାଯାଇଛି । ତେବେ କଟକ ବାଲିଯାତ୍ରା ସାଧାରଣତଃ ୮ ଦିନ ଚାଲିଥାଏ କିନ୍ତୁ ଚଳିତ ଥର ୯ ଦିନ ପାଇଁ ନିଷ୍ପତ୍ତି ହୋଇଥିଲା । ଆଉ ଏବେ ଆଉ ଏକ ଦିନ ବୃଦ୍ଧି କରାଯାଇ ଏହାକୁ ୧୦ ଦିନ କରାଯାଇଛି ।