ବେଙ୍ଗାଲୁରୁ: ଆଇପିଏଲ୍ ୨୦୨୪ ପ୍ଲେ ଅଫ୍ ପାଇଁ ୩ଟି ଦଳ କୋଲକାତା ନାଇଟ୍ ରାଇଡର୍ସ ଏବଂ ରାଜସ୍ଥାନ ରୟାଲ୍ସ ପରେ ସନରାଇଜର୍ସ ହାଇଦ୍ରାବାଦ ମଧ୍ୟ ନିଜର ସ୍ଥାନ ହାସଲ କରିଛି। ଏବେ କେବଳ ଚତୁର୍ଥ ଟିମ ଚୟନ ପାଇଁ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଏବଂ ଚେନ୍ନାଇ ସୁପର କିଙ୍ଗ୍ସ ମଧ୍ୟରେ ଜୋରଦାର ଫାଇଟ୍ ହେବ। ମେ ୧୮ ଶନିବାର ଦିନ ବେଙ୍ଗାଲୁରୁର ଏମ ଚିନ୍ନାସ୍ୱାମୀ ଷ୍ଟାଡିୟମରେ ଭାରତୀୟ କ୍ରିକେଟର ଦୁଇ ବଡ ସୁପରଷ୍ଟାର ବିରାଟ କୋହଲି ଏବଂ ଏମଏସ ଧୋନି ମୁହାଁମୁହିଁ ହେବେ।
ଆରସିବିର ଯଦି ସମୀକରଣ ଠିକ୍ ରୁହେ ତେବେ ପ୍ଲେ ଅଫ୍ ରେସରୁ ବାହାରିପାରେ ଚେନ୍ନାଇ ସୁପର କିଙ୍ଗସ (CSK) । ବର୍ତ୍ତମାନ ସୁଦ୍ଧା ଚାମ୍ପିଅନ ଚେନ୍ନାଇ ଟିମ୍ ୧୭ଟି ମ୍ୟାଚରୁ ୭ଟି ମ୍ୟାଚ୍ ଜିତିଛି । ସେପଟେ ଲଗାତାର ୬ଟି ମ୍ୟାଚ୍ରେ ହାରିବା ପରେ ବିରାଟ କୋହଲିଙ୍କ ଟିମ୍ ଜବରଦସ୍ତ କମ୍ବ୍ୟାକ କରିଛି । ଗତ ୫ଟି ମ୍ୟାଚ୍ରେ ବିଜୟ ପରେ ଜିତିବା ଲକ୍ଷ୍ୟକୁ ଦୃଢ କରିବା ସହ ଚେନ୍ନାଇ ପାଇଁ ବିପଦ ସାଜିଛି ଆରସିବି ଟିମ୍ ।
ଚାମ୍ପିଅନ ଚେନ୍ନାଇ ସୁପର କିଙ୍ଗସ ସହ ରୟାଲ ଚ୍ୟାଲେଞ୍ଜ ବାଙ୍ଗାଲୋରର ମୁକାବିଲା କର ବା ମରର ଲଢେଇ ହେବ । ଯଦି ଟିମ୍କୁ ଏଠାରେ ୧୮ ରନ ବା ଏହାଠୁ ଅଧିକ ରନ୍ରେ ପରାଜୟ ମିଳେ ତେବେ ଟିମ୍ ପ୍ଲେ ଫରୁ ବାହାରିଯିବ । ସେପଟେ ଲକ୍ଷ୍ୟର ପିଛା କରି ଯଦି ଆରସିବି ୧୮.୧ ଓଭରରେ ବିଜୟ ଲାଭ କରେ ତେବେ ଚେନ୍ନାଇ ଟିମ ରେସରୁ ବିଦା ହୋଇପାରେ । ମହେନ୍ଦ୍ର ସିଂ ଧୋନିଙ୍କ ଟିମକୁ ବିଜୟ ମିଳିଲେ ତେବେ ୧୬ ଅଙ୍କ ସହ ସିଧାସଳଖ ଆଗାମୀ ପର୍ଯ୍ୟାୟରେ ପହଞ୍ଚିବାକୁ ସଫଳ ହେବ CSK ।
