କ୍ୟାନସର ସହ ଯୁଝୁଛନ୍ତି ଋଷ ରାଷ୍ଟ୍ରପତି ପୁତିନ ! ଛାଡ଼ିପାରନ୍ତି ପଦ

ନୂଆଦିଲ୍ଲୀ: ବ୍ଲାଦିମୀର ପୁତିନଙ୍କ ଜଣେ ପ୍ରମୁଖ ଆଲୋଚକ ଦାବି କରିଛନ୍ତି ଋଷ ରାଷ୍ଟ୍ରପତି କ୍ୟାନସରରେ ପୀଡ଼ିତ । ରିପୋର୍ଟ ଅନୁସାରେ, ଋଷ ରାଜନେତା ୱଲେରୀ ସୋଲୋୱେଇ ତାଙ୍କ ସୂତ୍ରରୁ କହିଛନ୍ତି- ଫେବ୍ରୁଆରୀରେ ୬୮ ବର୍ଷୀୟ ପୁତିନଙ୍କ ସର୍ଜରୀ ହୋଇଥିଲା । ତେବେ, ଏହି କଥାକୁ ଋଷ ସରକାର ଅଗ୍ରାହ୍ୟ କରିଛନ୍ତି । ପୁତିନ କୌଣସି ସ୍ୱାସ୍ଥ୍ୟ ସମସ୍ୟା କରୁନଥିବା ସରକାରଙ୍କ ପକ୍ଷରୁ କୁହାଯାଇଛି ।

ଅନ୍ୟ ଏକ ସୂତ୍ର ଅନୁସାରେ- ପୁତିନଙ୍କ ପେଟରେ ସର୍ଜରୀ ହୋଇଛି । ପ୍ରାୟ ଦୁଇ ସପ୍ତାହ ତଳେ ୱଲେରୀ ଏହା ବି ଦାବି କରିଥିଲେ- ପୁତିନ ପାର୍କିଂସନ ରୋଗରେ ପୀଡ଼ିତ । ୱଲେରୀଙ୍କ ଅନୁସାରେ- ଖରାପ ସ୍ୱାସ୍ଥ୍ୟ ପାଇଁ ପୁତିନ ଜାନୁଆରୀରେ ପଦ ଛାଡ଼ିବା ଲାଗି ଯୋଜନା କରିଥିଲେ । ଏବଂ ସେ ତାଙ୍କ ଝିଅ କେଟରୀନ ଟିଖୋନୋଭାଙ୍କୁ ତାଙ୍କ ଉତ୍ତରାଧିକାରୀ କରିବାକୁ ଚାହୁଁଛନ୍ତି ।

ସେ ଆହୁରି କହିଛନ୍ତି- ମୁଁ ଡାକ୍ତର ନୁହେଁ କି ରୋଗକୁ ନେଇ ମୋ ପାଖରେ ଅଧିକ ସୂଚନା ନାହିଁ । ଋଷ ସରକାରଙ୍କ ଅନୁୟାୟୀ- ପୁତିନ କୌଣସି ସ୍ୱାସ୍ଥ୍ୟ ସମସ୍ୟା ସହ ଯୁଝୁନାହାଁନ୍ତି । ଏହା ପୂର୍ବରୁ ଗୁରୁବାର ଟିଭିରେ କାଶୁଥିବାର ନଜର ଆସୁଥିଲେ । ପରେ ଏହି ଭିଡିଓକୁ ଏଡିଟ୍ କରାଯାଇଥିଲା ।

ବ୍ରିଟିଶ୍ ମିଡିଆ ରିପୋର୍ଟ ଅନୁସାରେ, ପୁତିନଙ୍କ ସ୍ୱାସ୍ଥ୍ୟକୁ ନେଇ ମିଛ ପ୍ରଚାର କରାଯାଉଛି । ଏଭଳି ମିଛ ରାଷ୍ଟ୍ରପତିଙ୍କୁ ଆଜୀବନ ମକଦ୍ଦମାରୁ ବଞ୍ଚାଇବା ଲାଗି ନୂଆ ବିଲ୍ ପରେ ଚାଲିଛି । ନୂଆ ବିଲ୍ ଅନୁସାରେ, ପଦ ଛାଡ଼ିବା ପରେ ଋଷ ରାଷ୍ଟ୍ରପତିଙ୍କ ଉପରେ ଅପରାଧିକ ମକଦ୍ଦମା ଚାଲି ପାରିବ ନାହିଁ । ଏପରିକି ପୋଲିସ ବି ପଚରାଉଚରା କରି ପାରିବ ନାହିଁ । ଏହାଦ୍ୱାରା ରାଷ୍ଟ୍ରପତିଙ୍କ ପରିବାର ମଧ୍ୟ ଜେରାରୁ ଆଶ୍ୱସ୍ତି ପାଇବେ ।