ଇନଷ୍ଟାଗ୍ରାମରେ ଫଟୋ ପୋଷ୍ଟ କରି ଟ୍ରୋଲ ହେଲେ ବିସିସିଆଇ ସଭାପତି
ନୂଆଦିଲ୍ଲୀ: ଇନଷ୍ଟାଗ୍ରାମରେ ଫଟୋ ପୋଷ୍ଟ କରି ଟ୍ରୋଲ ହେଲେ ବିସିସିଆଇ ସଭାପତି ସୌରଭ ଗାଙ୍ଗୁଲି । ବର୍ତ୍ତମାନ ସେ ଆଇପିଏଲ୍ ୨୦୨୧ର ଦ୍ୱିତୀୟ ପର୍ଯ୍ୟାୟ ପାଇଁ ୟୁଏଇରେ ଅଛନ୍ତି। ଆଉ ସେଠାରେ ଥିବା ସମୟରେ ସେ ଏହି ଦିନଗୁଡ଼ିକରେ ଭରପୁର ମଜା ମଧ୍ୟ ନେଉଛନ୍ତି । ଏବେ ଏହାକୁ ନେଇ ସେ ସୋସିଆଲ ମଡ଼ିଆରେ ଟ୍ରୋଲ ହେବାରେ ଲାଗିଛନ୍ତି ।
ଗାଙ୍ଗୁଲି ଇନଷ୍ଟାଗ୍ରାମରେ ନିଜର ଏକ ଫଟୋ ସେୟାର କରିଛନ୍ତି, ଯେଉଁଥିରେ ସେ କାର୍ ରେସିଂ କରିବାକୁ ଯାଉଥିବାର ଦେଖିବାକୁ ମିଳିଛି । ଆଉ ଏହା ପରେ ସୋସିଆଲ ମିଡିଆରେ ତାଙ୍କୁ ଅତ୍ୟଧିକ ମାତ୍ରାରେ ଟ୍ରୋଲ କରାଯାଉଛି । ଫଟୋ ସେୟାର କରିବା ସମୟରେ ଗାଙ୍ଗୁଲି କହିଛନ୍ତି ଯେ ଆଜି କାର୍ ରେସିଂ କଲି । ଆଉ ଏହି ରେସିଂର ସେ ଭରପୁର ମଜା ନେଇଛନ୍ତି ଯାହା ଅବିଶ୍ୱାସନୀୟ ।
ତେବେ ଏହି ଫଟୋ ପରେ କିଛି ୟୁଜର କହିଛନ୍ତି ଯେ, ସେ ତାଙ୍କ ସ୍ୱାସ୍ଥ୍ୟ ପ୍ରତି ଧ୍ୟାନ ଦେବା ଉଚିତ୍ ଏବଂ ଏସବୁ କାର୍ଯ୍ୟକଳାପକୁ ଅଣଦେଖା କରିବା ଉଚିତ୍। ତେବେ ଆପଣଙ୍କୁ କହି ରଖୁଛୁ ଯେ, କିଛି ସମୟ ପୂର୍ବରୁ, ହୃଦଘାତ କାରଣରୁ ତାଙ୍କର ଅସ୍ତ୍ରୋପଚାର କରାଯାଇଥିଲା । ଏବଂ ଆଉ କିଛି ୟୁଜର କହିଛନ୍ତି ଯେ, ମହାମାରୀ ଭଳି ପରିସ୍ଥିତିରେ ମୂର୍ଖାମୀ କାର୍ଯ୍ୟ କରିବା ପରିବର୍ତ୍ତେ ସମାଜ ପାଇଁ କିଛି ଭଲ କାର୍ଯ୍ୟ କରନ୍ତୁ । ଲୋକମାନେ ଆପଣଙ୍କୁ ବହୁତ ପ୍ରଶଂସା କରିବେ ।
