ଆଜିଠୁ ସୃଜନଶୀଳତା ଉତ୍ସବ: ଅଭିଭାବକ ଦେଖିବେ ବିଦ୍ୟାଳୟ ରୂପାନ୍ତରଣ

ଭୁବନେଶ୍ବର: କେମିତି ହେଉଛି ବିଦ୍ୟାଳୟ ରୂପାନ୍ତରଣ, ଦେଖିବେ ଅଭିଭାବକ । ଆଜିଠୁ ୨୦ ତାରିଖ ମଧ୍ୟରେ ବିଦ୍ୟାଳୟ ସ୍ତରରେ ହେବ ସୃଜନଶୀଳତା ଉତ୍ସବ । ଦିନିକିଆ ସୃଜନଶୀଳତା ଉତ୍ସବରେ ସାମିଲ ହୋଇ ବିଦ୍ୟାଳୟ ରୂପାନ୍ତରଣର ସଫଳତା ଦେଖିବେ ଅବିଭାବକ ଏବଂ ପୁରାତନ ଛାତ୍ରଛାତ୍ରୀ ।

ପର୍ଯ୍ୟାୟ କ୍ରମେ ରାଜ୍ୟର ଉଚ୍ଚ ବିଦ୍ୟାଳୟଗୁଡ଼ିକର ରୂପାନ୍ତରଣ କରାଯାଉଛି । ବିଦ୍ୟାଳୟରେ ସ୍ମାର୍ଟ ଶ୍ରେଣୀ ଗୃହ ସହ ପାଠାଗାର, ପରୀକ୍ଷାଗାର ଆଦି ଉପଲବ୍ଧ ହୋଇଛି । ଆଧୁନିକ ଭିତ୍ତିଭୂମିରେ ପିଲା ପାଠ ପଢୁଛନ୍ତି । ବିଦ୍ୟାଳୟ ଗୁଡ଼ିକର ଏହି ରୂପାନ୍ତରଣ ଦୃଶ୍ୟ ଦେଖିବେ ଅବିଭାବକ ଓ ପୁରାତନ ଛାତ୍ରଛାତ୍ରୀ । ସ୍କୁଲ ରୂପାନ୍ତରୀକରଣର ସଫଳତା ଦେଖିବାକୁ ସମସ୍ତଙ୍କୁ ନିମନ୍ତ୍ରଣ କରାଯାଇଛି । ଆକାଂକ୍ଷୀ ପାଠ୍ୟକ୍ରମ ଏବଂ ଏହାର ଉପାଦାନଗୁଡ଼ିକ ମାଧ୍ୟମରେ ଉଚ୍ଚ ବିଦ୍ୟାଳୟ ଛାତ୍ରଛାତ୍ରୀ ସେମାନଙ୍କ ଅଭିଜ୍ଞତା ଉପସ୍ଥାପନ କରିବେ ।

ପ୍ରଦର୍ଶନୀ ମାଧ୍ୟମରେ ଛାତ୍ରଛାତ୍ରୀଙ୍କ ବିବିଧ ପ୍ରତିଭା ଏବଂ ସୃଜନଶୀଳତାକୁ ପ୍ରଦର୍ଶନ କରାଯିବ । ଭାଷା ଏବଂ ସାହିତ୍ୟକୁ ପ୍ରୋତ୍ସାହନ ଦେବା ଉଦ୍ଦେଶ୍ୟରେ ନ‌ବମ ଓ ଦଶମ ଶ୍ରେଣୀର ପ୍ରତ୍ୟେକ ଛାତ୍ରଛାତ୍ରୀ ସାହିତ୍ୟ ସୃଜନୀ ଅଧୀନରେ ନିଜ ପୁସ୍ତକ ପ୍ରସ୍ତୁତ କରିବେ । କାର୍ଯ୍ୟକ୍ରମ ପାଇଁ ବିଦ୍ୟାଳୟ ପରିସର, ଶ୍ରେଣୀ ଗୃହ ଏବଂ ଅଡିଟୋରିୟମ ଆଦିକୁ ପ୍ରମୁଖ ପ୍ରଦର୍ଶନୀ କ୍ଷେତ୍ର ଭାବେ ବ୍ୟବହାର କରାଯିବ । ଛାତ୍ରଛାତ୍ରୀଙ୍କ ଦ୍ବାରା ପ୍ରସ୍ତୁତ ନିଜ ହାତଲେଖା ବହିର ପ୍ରଦର୍ଶନ ହେବ । ବିଦ୍ୟାଳୟସ୍ତରରେ ସୃଜନଶୀଳତା ଉତ୍ସବ ପାଇଁ ରୂପରେଖ ପ୍ରସ୍ତୁତ ହୋଇଛି । ଏଥିପାଇଁ ଅର୍ଥ ମଧ୍ୟ ମଞ୍ଜୁର କରାଯାଇଛି । ହାଇସ୍କୁଲ ରୂପାନ୍ତରଣ ଅଧୀନରେ ଥିବା ସମସ୍ତ ଉଚ୍ଚ ବିଦ୍ୟାଳୟରେ ଛାତ୍ରଛାତ୍ରୀଙ୍କ ପ୍ରତିଭା ଓ ସୃଜନଶୀଳତାକୁ ଉତ୍ସାହିତ କରିବା ଲକ୍ଷ୍ୟରେ ଏହି ପଦକ୍ଷେପ ନିଆଯାଇଛି । ଏହି କାର୍ଯ୍ୟକ୍ରମ ଆୟୋଜନ କରିବା ପାଇଁ ଅର୍ଥ ମଞ୍ଜୁର ହୋଇଛି ।