ଦେବଗଡ଼ ବିଜେପିରେ ଫାଟ ! ଦେବଗଡ଼ ପୌର ପରିଷଦ ଉପାଧ୍ୟକ୍ଷଙ୍କ ବିରୋଧରେ ୮ କାଉନସିଲର

ଦେବଗଡ଼ : କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ସଂସଦୀୟ କ୍ଷେତ୍ର ଅନ୍ତର୍ଗତ ଦେବଗଡ଼ ବିଧାନସଭା ମଣ୍ଡଳୀ ବିଜେପିରେ ଫାଟ ! ଦେବଗଡ଼ ପୌର ପରିଷଦ ଉପାଧ୍ୟକ୍ଷ ତଥା ବିଜେପି ନେତା ପ୍ରଜିତ ଭୋଜଙ୍କ ବିରୋଧରେ ଅନାସ୍ଥା ପ୍ରସ୍ତାବ ପାଇଁ ୪ ବିଜେପି ଏବଂ ୪ ବିଜେଡି କାଉନସିଲର ଜିଲ୍ଲାପାଳଙ୍କ ଠାରେ ଦରଖାସ୍ତ କରିଛନ୍ତି । ପୌର ପରିଷଦର ଦୁଇ ବିଜେପି କାଉନସିଲରଙ୍କ ନାଁରେ ଅପହରଣ ଅଭିଯୋଗ ମଧ୍ୟ ଆସିଛି । ୭ ନମ୍ବର ୱାର୍ଡ କାଉନସିଲର ପିଙ୍କି ସାହୁ ଓ ତାଙ୍କ ଦୁଇ ଝିଅଙ୍କୁ ୧୦ ନମ୍ବର ୱାର୍ଡ ବିଜେପି କାଉନସିଲର କାର୍ତ୍ତିକ ମହାକୁଳ ଓ ୧୧ ନମ୍ବର ୱାର୍ଡ ବିଜେପି କାଉନସିଲର ଇତିଶ୍ରୀ ମିଶ୍ର ଓ ତାଙ୍କ ସ୍ୱାମୀ ରାଜେନ୍ଦ୍ର ମିଶ୍ର ଅପହରଣ କରିନେଇଥିବା ଅଭିଯୋଗ ହୋଇଛି। ଦେବଗଡ଼ ଥାନାରେ ଲିଖିତ ଅଭିଯୋଗ ଦେଲେ ଅପହୃତା ୭ ନମ୍ବର ୱାର୍ଡ ବିଜେପି କାଉଁସିଲର ପିଙ୍କି ସାହୁଙ୍କ ସ୍ୱାମୀ ପ୍ରଦୀପ ସାହୁ l ଗତ ୫ ତାରିଖରୁ ନିଖୋଜ ହୋଇଥିବା ନେଇ ସେ ଅଭିଯୋଗ କରିଛନ୍ତି। ୧୧ ୱାର୍ଡ ବିଶିଷ୍ଟ ଦେବଗଡ଼ ପୌର ପରିଷଦରେ ୬ ବିଜେପି କାଉନଶୀଳର ଓ ୪ ବିଜେଡି କାଉନଶୀଳର ଏବଂ ଜଣେ ସ୍ୱାଧୀନ କାଉଁସିଲର ରହିଛନ୍ତି।