କରୋନା ସଂକ୍ରମିତଙ୍କ ସ୍ଥାନାନ୍ତରକୁ ବିରୋଧ: କୋଭିଡ ଯୋଦ୍ଧାଙ୍କୁ ଆକ୍ରମଣ ଅଭିଯୋଗ

ନୟାଗଡ଼: କରୋନା ଆକ୍ରାନ୍ତକୁ ସ୍ଥାନାନ୍ତର ବେଳେ କୋରୋନା ଯୋଦ୍ଧାଙ୍କୁ  ଆକ୍ରମଣ l ନୟାଗଡ ଜିଲ୍ଲା ଫତେଗଡ ଥାନା ଜଗନ୍ନାଥ ପ୍ରସାଦରେ ଆଜି ୩0ରୁ ଊର୍ଦ୍ଧ୍ୱ କୋରୋନା ଆକ୍ରାନ୍ତ ଜଣାପଡ଼ିବା ପରେ ଗୋଷ୍ଠି ସଂକ୍ରମଣକୁ ଦୃଷ୍ଟିରେ ରଖି ଆକ୍ରାନ୍ତଙ୍କୁ କୋଭିଡ ମେଡିକାଲ ସ୍ଥାନାନ୍ତର କରିବା ପାଇ ଖଣ୍ଡପଡା  ବିଡିଓ, ତହସିଲଦାର,ପୋଲିସ, ସ୍ୱାସ୍ଥ୍ୟକର୍ମୀ ଗାଁକୁ ଯାଇଥିଲେ l

ଗ୍ରାମବାସୀମାନେ ଏହାକୁ ବିରୋଧ କରିବା ସହ ମିଛ ରିପୋର୍ଟ ଆସିଥିବା କହି କୋରନା ଯୋଦ୍ଧାଙ୍କ ଉପରେ ଆକ୍ରମଣ କରିଥିବା ଅଭିଯୋଗ l ପ୍ରଥମେ ବିଡିଓ ଓ ତହସିଲଦାରଙ୍କୁ ଗୋଟେ ଘରେ ଗ୍ରାମବାସୀ ବନ୍ଦ କରିଦେଇଥିବା ବେଳେ ପୋଲିସ ଓ ସ୍ୱାସ୍ଥ୍ୟ କର୍ମୀମାନଙ୍କ ଉପରକୁ ଟେକା ମାଡ଼ କରିଥିଲେ l

ଏଥିରେ ୩ଜଣ ପୋଲିସଙ୍କ ମୁଣ୍ଡରେ ଗଭିର ଆଘାତ ଲାଗିଥିବା ବେଳେ ଆମ୍ବୁଲାନ୍ସ ମଧ୍ୟ କ୍ଷତିଗ୍ରସ୍ତ ହୋଇଥିବା ଜଣାପଡ଼ିଛି l ଗ୍ରାମରେ ଏନେଇ ଉତ୍ତେଜନା ଲାଗିରହିଛି l   ଘଟଣା ସ୍ଥଳରେ ଉପ ଜିଲ୍ଲାପାଳ ପହଞ୍ଚି ଲୋକଙ୍କୁ ବୁଝାଇବା ସହ ଆକ୍ରାନ୍ତଙ୍କୁ କୋଭିଡ ମେଡିକାଲ ପଠାଇବାକୁ ଚେଷ୍ଟା ଚଳାଇଛି l