ଜିଲ୍ଲା ମୁଖ୍ୟ ଚିକିତ୍ସାଳୟରେ ହେବ କରୋନା ପରୀକ୍ଷା

ଭୁବନେଶ୍ୱର: ରାଜ୍ୟରେ କରୋନା ସଂକ୍ରମଣ ବଢ଼ୁଥିବା ବେଳେ ବଡ଼ ନିଷ୍ପତ୍ତି ନେଇଛନ୍ତି ରାଜ୍ୟ ସରକାର । ରାଜ୍ୟରେ କୋଭିଡ୍ ପରୀକ୍ଷାକୁ ବୃଦ୍ଧି କରିବାକୁ ନିଷ୍ପତ୍ତି ନିଆଯାଇଛି । ସବୁ ସ୍ଥାନରେ କରୋନା ଟେଷ୍ଟିଂ ବଢ଼ାଯିବ । ଏନେଇ ଅତିରିକ୍ତ ମୁଖ୍ୟ ଶାସନ ସଚିବ ନିର୍ଦ୍ଦେଶ ଦେଇଛନ୍ତି । ଏଥିସହ ଯେଉଁ ଜିଲ୍ଲା ମୁଖ୍ୟ ଚିକିତ୍ସାଳୟରୁ କୋଭିଡ୍ ଟେଷ୍ଟ ମେସିନ୍ ଦିଆଯାଇଛି । ସେଠାରେ ଅଧିକରୁ ଅଧିକ ପରୀକ୍ଷା ହେବ ।

ଆଣ୍ଟିଜେନ୍ କିଟ୍ ପାଇଁ ରାଜ୍ୟ ସରକାର ଅର୍ଡର ଦେଇଛନ୍ତି । ସପ୍ତାହକ ମଧ୍ୟରେ ସବୁସ୍ଥାନରେ ଟେଷ୍ଟିଂ କାପାସିଟି ବୃଦ୍ଧି ହେବ । ସେହିଭଳି ସେରୋଲୋଜି ଟେଷ୍ଟିଂ ନେଇ ମଧ୍ୟ ଆଲୋଚନା ହୋଇଛି । ପୁରୀରେ ଆଜି ସେରୋଲୋଜିକାଲ ଟେଷ୍ଟ ସରୁଛି । ଏହା ପରେ ଭୁବନେଶ୍ୱର ମହାନଗର ନିଗମ ଅଞ୍ଚଳରେ ସରୋଲୋଜିକାଲ ଟେଷ୍ଟିଂ ଆରମ୍ଭ ହେବ । ଏହା ଦ୍ୱାରା ସ୍ଥାନୀୟ ସଂକ୍ରମଣ ହୋଇଛି କି ନାହିଁ ଜଣାପଡ଼ିବ ବୋଲି ଆରଏମଆରସି ନିର୍ଦ୍ଦେଶକ ଡାକକ୍ତର ସଂଘମିତ୍ରା ପତି କହିଛନ୍ତି ।

ବିଗତ ୨୪ ଘଣ୍ଟାରେ ରାଜ୍ୟରେ ସର୍ବାଧିକ ୫୬୧ ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ରାଜ୍ୟରେ ସଂକ୍ରମିତଙ୍କ ସଂଖ୍ୟା ୮ ହଜାର ପାର୍ କରିଛି । ଏବେ ରାଜ୍ୟର ୧୨ଟି ଲାବ୍ କୋଭିଡ୍ ପରୀକ୍ଷା ହେଉଛି । ଏଥିରେ ୭ଟି ସରକାରୀ ଲାବ୍ ରହିଥିବା ବେଳେ ୫ଟି ବେସରକାରୀ ଲାବ୍ ରହିଛି ।

ରାଜ୍ୟରେ ସର୍ବାଧିକ ସଂକ୍ରମିତ ଚିହ୍ନଟ, ୮ ହଜାର ଟପିଲା ଆକ୍ରାନ୍ତଙ୍କ ସଂଖ୍ୟା