ସ୍ୱାସ୍ଥ୍ୟକର୍ମୀଙ୍କ ଡାଟାବେସ୍ ପ୍ରସ୍ତୁତ କରିବାକୁ ସ୍ୱାସ୍ଥ୍ୟ ବିଭାଗର ନିର୍ଦ୍ଦେଶ

ଭୁବନେଶ୍ୱର: ଖୁବଶୀଘ୍ର ଉପଲବ୍ଧ ହୋଇପାରେ କରୋନା ଟିକା । ଉଭୟ ସରକାରୀ ଓ ଘରୋଇ ସ୍ୱାସ୍ଥ୍ୟ ସେବା ପ୍ରତିଷ୍ଠାନର ସ୍ୱାସ୍ଥ୍ୟକର୍ମୀଙ୍କ ଡାଟାବେସ୍ ପ୍ରସ୍ତୁତ କରିବାକୁ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗର ଅତିରିକ୍ତ ମୁଖ୍ୟ ସଚିବ ପ୍ରଦୀପ କୁମାର ମହାପାତ୍ର ନିର୍ଦ୍ଦେଶ ଦେଇଛନ୍ତି । ଶ୍ରୀ ମହାପାତ୍ରଙ୍କ ଏଭଳି ନିର୍ଦ୍ଦେଶ ପରେ କରୋନା ଟିକା ଖୁଆଶୀଘ୍ର ଉପଲବ୍ଧ ହେବା ନେଇ ଆଶା ସଂଚାର ହୋଇଛି । ଓଡ଼ିଶା ରାଜ୍ୟ ଶାଖା ‘ଇଣ୍ଡିଆନ୍ ମେଡିକାଲ ଆସୋସିଏସନ୍’ର ଅଧ୍ୟକ୍ଷ ଓଡ଼ିଶାର ସମସ୍ତ ‘ପାରାମେଡିକ୍ ଓ୍ୱାର୍କର୍ସ ଆସୋସିଏସନ୍’ ଏବଂ ଓଡ଼ିଶା ପ୍ରାଇଭେଟ ହସ୍ପିଟାଲ ଓନର୍ସ ଆସୋସିଏସନର ଅଧ୍ୟକ୍ଷଙ୍କ ପାଖକୁ ପତ୍ର ଲେଖାଯାଇଛି । ଯେଉଁଥିରେ ଖୁବଶୀଘ୍ର କରୋନା ଭାଇରସ୍ ଟିକା ମଳିପାରେ ବୋଲି ଆଶା କରାଯାଉଛି । ତେଣୁ ଏହି ନୂଆ ଟିକାର ପ୍ରଚଳନ ନିମନ୍ତେ ପ୍ରସ୍ତୁତି କରିବା ଲାଗି ଉଭୟ ସରକାରୀ ଓ ଘରୋଇ ସ୍ୱାସ୍ଥ୍ୟ ସେବା ପ୍ରତିଷ୍ଠାନର ସ୍ୱାସ୍ଥ୍ୟ କର୍ମୀ ବା ହେଲ୍ଥ  କେୟାର ଓ୍ୱର୍କର୍ସମାନଙ୍କର ଡାଟାବେସ୍ ପ୍ରସ୍ତୁତ କରିବା ଲାଗି ଭାରତ ସରକାର କହିଛନ୍ତି ।

ପିଆଜ ଦର ନିୟନ୍ତ୍ରଣକୁ ଆଣିବାକୁ ରାଜ୍ୟ ସରକାରଙ୍କ ପ୍ରୟାସ, ଜିଲ୍ଲାପାଳଙ୍କୁ ଚିଠି ଲେଖିଲା ଯୋଗାଣ ବିଭାଗ