କରୋନା ଟିକା ନେଇ ଭଲ ଖବର: ରୋଗ ପ୍ରତିରୋଧକ ଶକ୍ତି ବୃଦ୍ଧିରେ ସହାୟକ ହେଉଛି କୋଭାକ୍ସିନ୍
ନୂଆଦିଲ୍ଲୀ: କରୋନା ଟିକାକୁ ନେଇ ଆସିଛି ଭଲ ଖବର । ସ୍ୱଦେଶୀ ଜ୍ଞାନକୌଶଳରେ ନିର୍ମିତ ଭାରତ ବୟୋଟେକ୍ର କୋଭାକ୍ସିନ୍ ପ୍ରଥମ ପର୍ଯ୍ୟାୟ ଟ୍ରାଏଲରେ ଭଲ ରେଜଲ୍ଟ ମିଳିଛି । ଏହା ଲୋକଙ୍କ ଶରୀରେ ରୋଗ ପ୍ରତିରୋଧକ ଶକ୍ତି ବୃଦ୍ଧି କରିବାରେ ସହାୟକ ହେଉଥିବା ଜଣାପଡ଼ିଛି । ଏଥିସହିତ ଏହାର କୌଣସି ପାର୍ଶ୍ୱ ପ୍ରତିକ୍ରିୟା ମଧ୍ୟ ଦେଖିବାକୁ ମିଳିନାହିଁ । ତେବେ ଦେଶରେ ଜରୁରୀକାଳୀନ ଅନୁମତି ନେଇ ଭାରତ ସରକାରଙ୍କ ନିକଟରେ ଆବେଦନ କରାଯାଇଥିବା ଟିକା ମଧ୍ୟରୁ ଗୋଟିଏ ହେଉଛି କୋଭାକ୍ସିନ୍ । ଆବେଦନ କରାଯାଇଥିବା ଟିକା ଗୁଡ଼ିକ ମଧ୍ୟରେ କୋଭାକ୍ସିନ୍, ଆଷ୍ଟ୍ରାଜେନିକା, କୋଭିସିଲ୍ଡ ରହିଛି । ତେବେ କୋଭାକ୍ସିନର ଭଲ ପ୍ରଦର୍ଶନ ପରେ ସରକାରଙ୍କ ପକ୍ଷରୁ ଅନୁମତି ମିଳିବା ନେଇ ସମ୍ଭାବନା ବଢ଼ିଯାଇଛି ।
ଟିକାର ପ୍ରଥମ ପର୍ଯ୍ୟାୟ ପରୀକ୍ଷାର ଅନ୍ତରୀଣ ରିପୋର୍ଟ ଅନୁଯାୟୀ, ଟିକା ନେବା ଦ୍ୱାରା ଜଣେ ବ୍ୟକ୍ତିଙ୍କ ଶରୀରରେ ଆଣ୍ଟିବଡି ବିକଶିତ ହେଉଛି। ସବୁ ବର୍ଗର ଲୋକଙ୍କ ଶରୀରେ ଟିକାର ଡୋଜ୍ କୌଣସି ପ୍ରକାରର କ୍ଷତିକାରକ ପାର୍ଶ୍ୱପ୍ରତିକ୍ରିୟା ସୃଷ୍ଟି କରୁନାହିଁ। ଜୁଲାଇ ୩୦ରେ ଜଣେ ବ୍ୟକ୍ତିଙ୍କ ଟିକାର ଡୋଜ ନେଇଥିଲେ। । ଏହାର ୫ ଦିନ ପରେ ତାଙ୍କ ଶରୀରରେ ଜ୍ୱର ଓ ମୁଣ୍ଡବ୍ୟଥା ସମସ୍ୟା ସୃଷ୍ଟି ହୋଇଥିଲା। ତେବେ କିଛି ଦିନ ପରେ ଏହି ସମସ୍ୟା ଦୂର ହୋଇଥିଲା। ତାଙ୍କୁ କୌଣସି ମେଡିସିନ କିମ୍ବା ହସ୍ପିଟାଲ ଯିବାକୁ ପଡ଼ି ନଥିଲା। ସେହିପରି ଟିକା ନେଇଥିବା ସ୍ଥାନରେ ସାମାନ୍ୟ କଷ୍ଟ ଅନୁଭବ ହୋଇଥିଲା। କିନ୍ତୁ ସମୟକ୍ରମେ ଏହା ମଧ୍ୟ ଦୂର ହୋଇଯାଇଥିଲା। ଅନ୍ୟପକ୍ଷରେ କୋଭାକ୍ସିନକୁ ଜରୁରୀ କାଳୀନ ବ୍ୟବହାର ପାଇଁ ଅନୁମତି ଦେବା ପୂର୍ବରୁ ଭାରତ ସରକାର ୩ଟି ଯାକ ପର୍ଯ୍ୟାୟ ପରୀକ୍ଷଣ ଫଳାଫଳକୁ ସମୀକ୍ଷା କରିବେ।
ପ୍ରତିରକ୍ଷା ବ୍ୟାପାର ସଂସଦୀୟ ସମିତି ବୈଠକରୁ ଉଠି ଚାଲିଗଲେ ରାହୁଲ,କହିଲେ ଟାଇମ୍ ବର୍ବାଦ କଲି
