ପ୍ରତିରକ୍ଷା ବ୍ୟାପାର ସଂସଦୀୟ ସମିତି ବୈଠକରୁ ଉଠି ଚାଲିଗଲେ ରାହୁଲ,କହିଲେ ଟାଇମ୍ ବର୍ବାଦ କଲି

1 min read

ନୂଆଦିଲ୍ଲୀ: କଂଗ୍ରେସର ପୂର୍ବ ଅଧ୍ୟକ୍ଷ ରାହୁଲ ଗାନ୍ଧୀ ଏବଂ ଦଳର ଅନ୍ୟ ସଦସ୍ୟ ପ୍ରତିରକ୍ଷା ମାମଲାରେ ସଂସଦୀୟ ସମିତି ବୈଠକରୁ ଓ୍ୱାକ୍ ଆଉଟ୍ କରିଛନ୍ତି । ସୂଚନା ଅନୁଯାୟୀ ରାହୁଲ ଗାନ୍ଧୀ ଅଭିଯୋଗ କରିଛନ୍ତି ଯେ, ସଂସଦୀୟ ସମିତି ସଶସ୍ତ୍ର ସେନାଙ୍କ ୟୁନିଫର୍ମ ନେଇ ଆଲୋଚନା କରି ସମୟ ବର୍ବାଦ କରିଛି । ସେ କହିଛନ୍ତି ଯେ,  ସେନାବାହିନୀକୁ ଅଧିକ ଭଲ ଢଙ୍ଗରେ କିଭଳି ପ୍ରସ୍ତୁତ କରିହେବ ସେନେଇ ଆଲୋଚନା ହେବା ଦରକାର ।

ଚିଫ୍ ଡିଫେନ୍ସ ଷ୍ଟାଫ୍ ବିପିନ୍ ରାଓ୍ୱତ କମିଟିକୁ ପ୍ରତିରକ୍ଷା ୟୁନିଫର୍ମ ସମ୍ପର୍କରେ ସୂଚନା ଦେଉଥିଲେ । ସେହି ସମୟରେ ରାହୁଲ ଗାନ୍ଧୀ ହସ୍ତକ୍ଷେପ କରି କହିଥିଲେ, ଦେଶର ପ୍ରସ୍ତୁତି ଲଦାଖରେ କ’ଣ ରହିଛି? ଚୀନ ବିପକ୍ଷରେ ଆମ ରଣନୀତି କ’ଣ ରହିଛି ? ସେ ନେଇ ଆଲୋଚନା ହେବ ଆବଶ୍ୟକ । ରାହୁଲ କହିଛନ୍ତି ଯେ, ଦେଶର ଶାସନକର୍ତ୍ତାଙ୍କୁ ସେନାର ୟୁନିଫର୍ମ ଉପରେ ଚର୍ଚ୍ଚା କରିବା ପରିବର୍ତ୍ତେ ରାଷ୍ଟ୍ରୀୟ ସୁରକ୍ଷାର ଗୁରୁତ୍ୱପୂର୍ଣ୍ଣ ମାମଲାଗୁଡ଼ିକ ସମ୍ପର୍କରେ ଚର୍ଚ୍ଚା ହେବ ଆବଶ୍ୟକ । ତେବେ ଏହାରି ମଧ୍ୟରେ କମିଟି ଅଧ୍ୟକ୍ଷ ଥିବା ବିଜେପି ସାଂସଦ ଜୁଏଲ ଓରାମ୍ ରାହୁଲ ଗାନ୍ଧୀଙ୍କ ମଝିରେ କହିବାକୁ ନେଇ ଆପତ୍ତି ଉଠାଇଥିଲେ ।  ଏହାପରେ ରାହୁଲ ଗାନ୍ଧୀ ବୈଠକରୁ ଓ୍ୱାର୍କ ଆଉଟ୍ କରିଥିଲେ । ଏହା ପୂର୍ବରୁ ରାହୁଲ ଗାନ୍ଧୀ ନିଜ ଟ୍ୱିଟରେ ଇସାରା ଇସାରାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଉପରେ ବର୍ଷିଥିଲେ । ରାହୁଲ ଗାନ୍ଧୀ ଲଗାତାର ଚୀନ ଯୋଗୁଁ ଲଦାଖ୍ ସୀମାରେ ଜାରି ବିବାଦ କଥା ଉଠାଇଆସୁଥିଲେ । ଏବଂ ପ୍ରଧାନମନ୍ତ୍ରୀ  ନରେନ୍ଦ୍ର ମୋଦିଙ୍କ ଉପରେ ଆକ୍ରମଣାତ୍ମକ ଅନ୍ଦାଜରେ ଟାର୍ଗେଟ କରିଆସୁଛନ୍ତି ।

                ରାହୁଲ ଗାନ୍ଧୀଙ୍କ ପକ୍ଷରୁ ଦାବି କରାଯାଇଛି ଯେ, ଚୀନ ଭାରତ ସୀମାରେ ପ୍ରବେଶ କରିସାରିଛି । ଏବଂ ଆମ ଦେଶର ଜମି ଉପରେ କବ୍‌ଜା କରିଛି । କିନ୍ତୁ ପ୍ରଧାନମନ୍ତ୍ରୀ ମୋଦି ଚୀନକୁ ଭୟ କରନ୍ତି । ଏଣୁ କିଛି କରିପାରୁନାହାନ୍ତି । ଅପ୍ରେଲରେ ଲଦାଖ୍ ସୀମା ଉପରେ ଆରମ୍ଭ ହୋଇଥିବା ବିବାଦ ପ୍ରସଂଗରେ ରାହୁଲ ଗାନ୍ଧୀ ବହୁ ଥର ସୋସିଆଲ୍ ମିଡିଆରେ ଏବଂ ସାମ୍ୱାଦିକ ସମ୍ମିଳନୀ କରି ମୋଦି ସରକାରଙ୍କୁ ଘେରିଥିଲେ । ଏହା ବ୍ୟତୀତ ନେପାଳ ବାଂଲାଦେଶ ସହିତ ସମ୍ପର୍କକୁ ନେଇ କଂଗ୍ରେସ ସରକାରଙ୍କୁ ସମାଲୋଚନା କରିଆସୁଛନ୍ତି ।

Opn Commnet Area

Leave a Reply

Your email address will not be published. Required fields are marked *

Close Bitnami banner