ବହୁ ଦେଶ ଭାରତକୁ ଉଡ଼ାଣ ନେଇ ଦେଲେ ନାହିଁ ଅନୁମତି: ଭାରତର ମଧ୍ୟ ସମାନ ଆଭିମୁଖ୍ୟ

1 min read

ନୂଆଦିଲ୍ଲୀ: କରୋନା ଭାଇରସକୁ ବ୍ୟାପିବାରୁ ରୋକିବା ଲାଗି ଅଧିକାଂଶ ଦେଶରେ ଲକଡାଉନ୍ ଲାଗୁ କରାଯାଇଥିଲା । ଏହାସହିତ ଅନ୍ୟ ଦେଶରୁ ଆସୁଥିବା ବିମାନ ଉପରେ ମଧ୍ୟ ରୋକ୍ ଲାଗାଯାଇଥିଲା । ତେବେ କିଛି ଦେଶମାନଙ୍କରେ ପରିସ୍ଥିତିରେ କିଛି ସୁଧାର ଆସିବା ପରେ ବହୁ ଅନ୍ତର୍ଜାତୀୟ ଫ୍ଳାଇଟ୍ ମଧ୍ୟ ଆରମ୍ଭ କରାଯାଇଛି । ତେବେ ଏବେ ମଧ୍ୟ ଅଧିକାଂଶ ଦେଶରେ କରୋନା ଭୟାବହତାକୁ ଆଖି ଆଗରେ ରଖି ସଂକ୍ରମଣର ଭୟ ଥିବା ଦେଶଗୁଡ଼ିକରୁ ବିମାନ ଆସିବାକୁ ଅନୁମତି ଦେଉନାହାନ୍ତି । ସେହିଭଳି କିଛି ଦେଶ ଏବେ ଭାରତୀୟ ବିମାନର ଉଡ଼ାନ ଉପରେ ମଧ୍ୟ ରୋକ୍ ଲଗାଇଛନ୍ତି ।

ଆମେରିକା:

ମଇ ମାସରେ ଭାରତ ସରକାର ଆମେରିକାରେ ରହୁଥିବା ଭାରତୀୟଙ୍କୁ ଆଣିବା ଲାଗି ବନ୍ଦେ ଭାରତ ମିଶନ ଆରମ୍ଭ କରିଥିଲା । ହେଲେ ଏହାକୁ ଆମେରିକୀୟ ସରକାର ଅନୁମତି ଦେଇନଥିଲେ । ଆମେରିକା ପକ୍ଷରୁ କୁହାଯାଇଥିଲା ଯେ ସମାନ କାର୍ଯ୍ୟକ୍ରମ ପାଇଁ ଆମେରିକାକୁ ଭାରତ ସରକାରଙ୍କ ପକ୍ଷରୁ ଅନୁମତି ଦିଆଯାଇନଥିଲା । ଏଭଳି କରି ଭାରତ ଆମେରିକା ସହ ଭେଦଭାବ ପୂର୍ଣ୍ଣ ବ୍ୟବହାର କରୁଛି ବୋଲି କହିଥିଲା ।  କିନ୍ତୁ ପରେ ଭାରତ ଏବଂ ଆମେରିକା ପ୍ରସଂଗରେ ଏୟାର ବବଲ ସ୍ଥାପନ କରି ମାମଲାର ସମାଧାନ କରାଯାଇଥିଲା ।

ୟୁଏଇ

ଲକ୍‌ଡାଉନ୍ ପରେ ସଂଯୁକ୍ତ ରାଷ୍ଟ୍ର ଏମିରାତର ମଧ୍ୟ ଆମେରିକା ଭଳି ହିଁ କଥା କହିଛି । ସେ ମଧ୍ୟ ଭାରତ ଏବଂ ୟୁଏଇ ମଧ୍ୟରେ କୌଣସି ବିମାନ ଚଳାଚଳ ନେଇ ଅନୁମତି ଦେଉନାହିଁ । ୟୁଏଇ ଅଧିକାରୀ ଜୁନରେ କହିଥିଲେ ଯଦି ଏୟାର ଇଣ୍ଡିଆର ଫ୍ଳାଇଟ୍ ୟୁଏଇ ନାଗରିକ ନେଇଯାଉଛି ତେବେ ସେମାନଙ୍କୁ ବିଶେଷ ଅନୁମତିର ଆବଶ୍ୟକ । ଏହା ପରେ ୟୁଏଇ ମଧ୍ୟରେ ଏୟାର ବବଲ ବ୍ୟବସ୍ଥା ସ୍ଥାପନ କରାଗଲା । ତେବେ ୟୁଏଇରେ ଇଣ୍ଡିଆନ୍ ପ୍ରିମିୟର ଲିଗ ମଧ୍ୟ ଖେଳଯାଉଛି ।

ଜର୍ମାନୀ

ବିମାନ ଚଳାଚଳ ନେଇ ଜର୍ମାନୀ ଶୁକ୍ରବାର କହିଥିଲା ୬ ଅକ୍ଟୋବରରେ ଭାରତ ସହିତ କଥାବାର୍ତ୍ତା କରିବ । ଦୁଇ ଦେଶ ମଧ୍ୟରେ ବିମାନ ଉଡ଼ାଣ କିଭଳି ସ୍ୱାଭାବିକ କରାଯିବ । ଜର୍ମାନୀର ପରିବହନ ଏବଂ ଡିଜିଟାଲ ଆଧାରଭୂତ ଢ଼ାଞ୍ଚା ମନ୍ତ୍ରାଳୟ ପକ୍ଷରୁ କୁହାଯାଇଛି, ଆମକୁ ସଂକେତ ମିଳିଛି ଯେ, ଭାରତକୁ ଉଭୟ ପକ୍ଷ ମଧ୍ୟରେ ତ୍ୱରିତ ଏବଂ ସନ୍ତୋଷଜନକ ସମାଧାନରେ ଆଗ୍ରହ ରଖିଛି । ଏୟାର ଇଣ୍ଡିଆ ଗୁରୁବାର ଫ୍ରେକପ୍ରଣ୍ଟ ଏବଂ ଭାରତ ମଧ୍ୟରେ ୧୪ ଅକ୍ଟୋବର ଯାଏଁ ସମସ୍ତ ଉଡ଼ାଣକୁ ବାତିଲ କରାଯାଇଛି ।

Opn Commnet Area

Leave a Reply

Your email address will not be published. Required fields are marked *

Close Bitnami banner