ବଡ଼ ଧରଣର ସ୍ଥାନୀୟ ସଂକ୍ରମଣ ନହେଲେ ସେପ୍ଟେମ୍ୱର ସୁଦ୍ଧା ସକ୍ରିୟ ମାମଲା ସଂଖ୍ୟା ୧୦୦୦କୁ ଖସିବ
ନୂଆଦିଲ୍ଲୀ: ଦିଲ୍ଲୀ କରୋନା ସ୍ଥିତିରେ ସୁଧାର ଆସିବାରେ ଲାଗିଛି । କିନ୍ତୁ ଏହି ଲଢ଼େଇ ଏଯାଏଁ ଶେଷ ହୋଇନାହିଁ । ଯଦି ଲୋକେ ସାମାଜିକ ଦୂରତ୍ୱ ବଜାୟ ରଖିବେ, ମାସ୍କର ବ୍ୟବହାର କରନ୍ତି ଏବଂ କୌଣସି ବଡ଼ ଧରଣ ସ୍ଥାନୀୟ ସଂକ୍ରମଣ ହୁଏନାହିଁ ତେବେ ସେପ୍ଟେମ୍ୱର ସମସ୍ତଙ୍କ ପାଇଁ ଖୁସି ଓ ଆଶ୍ୱସ୍ତି ଆଣିପାରେ । ସେପ୍ଟମ୍ୱେର ମାସ ବେଳକୁ ରାଜ୍ୟରେ କେବଳ ୧୦୦୦ ଆକ୍ଟିଭ୍ କେସ୍ ବା ସକ୍ରିୟ ମାମଲା ରହିବ ।
ଶନିବାର ଦିଲ୍ଲୀରେ ୧୧୯୮ ରୋଗୀ ଚିହ୍ନଟ ହୋଇଥିଲେ ଏବଂ ୧୨୦୧ ଜଣ ସୁସ୍ଥ ହୋଇଥିଲେ । ଦିଲ୍ଲୀରେ ସୁସ୍ଥତା ହାର ୯୦ ପ୍ରତିଶତ ରହିଛି । ବର୍ତ୍ତମାନ ଦିଲ୍ଲୀରେ ୧୦୭୦୫ କରୋନା ଆକ୍ଟିଭ୍ ମାମଲା ରହିଛି । ଆଶା କରାଯାଉଛି ଯେ, ଯେଉଁ ପ୍ରକାରେ ସଂକ୍ରମିତଙ୍କ ସଂଖ୍ୟା କମୁଛି ଏବଂ ସୁସ୍ଥତା ସଂଖ୍ୟା ବଢ଼ୁଛି ସେହିଅନୁଯାୟୀ ଅକ୍ୱୋବର ବେଳକୁ କେବଳ ୧ ହଜାର ଆକ୍ଟିଭ୍ କେସ୍ ରହିବ । ଦିଲ୍ଲୀରେ ଏଯାଏଁ ୯୦ ପ୍ରତିଶତ ଅର୍ଥାତ ୧ ଲକ୍ଷ ୨୨ ହଜାର ୧୩୧ କରୋନା ସଂକ୍ରମିତ ସୁସ୍ଥ ହୋଇଛନ୍ତି ।
ରାଜ୍ୟରେ ୧୪୩୪ କରୋନା ସଂକ୍ରମିତ ଚିହ୍ନଟ, ପୁଣି ସଂକ୍ରମଣର ଶୀର୍ଷରେ ଗଞ୍ଜାମ
ସିଲ୍ ଅଞ୍ଚଳ ଅର୍ଥାତ କଣ୍ଟେନମେଣ୍ଟ ଜୋନ୍ ମଧ୍ୟ ୪୯୬କୁ ଖସି ଆସିଛି । ସୋମବାର ଏହି ସଂଖ୍ୟା ୭୧୫ ଥିଲା ଏବଂ ଶେଷ କେସ୍ ଆସିବାର ୧୪ ଦିନ ପରେ ସମ୍ପୃକ୍ତ ଅଞ୍ଚଳରୁ କଣ୍ଟେନମେଣ୍ଟ କଟକଣା ହଟାଇଦିଆଯାଉଛି । ପ୍ରଥମେ ଏହାର ଅବଧି ୨୮ ଦିନ ରଖାଯାଇଥିଲା । ଯଦି କେଉଁ ଗଳିରେ ସଂକ୍ରମିତ ଚିହ୍ନଟ ହୁଅନ୍ତି ତେବେ ସେହି ଅଞ୍ଚଳ ଏବଂ ଆଖପାଖ ଅଞ୍ଚଳକୁ ସିଲ୍ କରିଦିଆଯାଉଛି । ଏବଂ ଏହାର ଫଳ ସ୍ୱରୂପ ଦିଲ୍ଲୀରେ ଏବେ ୪୯୬ ଅଞ୍ଚଳ ସିଲ୍ ହୋଇରହିଛି । ଏବଂ ଏହି ଅଞ୍ଚଳରେ ୧ଲକ୍ଷ ୬ହଜାର ୨୧୧ ଲୋକ ରହୁଛନ୍ତି । ପ୍ରଥମ କଣ୍ଟେନମେଣ୍ଟ ଅଞ୍ଚଳରେ ରହୁଥିବା ଲୋକଙ୍କ ସଂଖ୍ୟା ୩.୫ ଲକ୍ଷ ଥିଲା ।
