ସାରା ବିଶ୍ୱରେ ପ୍ରାଣ ହରାଇଲେଣି ୮୮ ହଜାର, ଭାରତରେ ୧୬୬ ଜଣ
ନୂଆଦିଲ୍ଲୀ: କାୟାବିସ୍ତାର କରିବାରେ ଲାଗିଛି କରୋନା । ଦିନ ଗଡ଼ିବା ସହ ବଢ଼ିଚାଲିଛି କରୋନା ଆକ୍ରାନ୍ତଙ୍କ ସଂଖ୍ୟା । ଆଉ ଏହା ସାଙ୍ଗକୁ ବଢ଼ିଚାଲିଛି ମୃତକଙ୍କ ସଂଖ୍ୟା । କିଛି ସଂଖ୍ୟା ଲୋକ ସୁସ୍ଥ ମଧ୍ୟ ହୋଇଛନ୍ତି । ଆକ୍ରାନ୍ତଙ୍କ ହାର୍ ଅନୁଯାୟୀ ସୁସ୍ଥ ହେଉଥିବା ଲୋକଙ୍କ ସଂଖ୍ୟା କମ୍ । ଗୁରୁବାର ସକାଳ ସୁଦ୍ଧା ସାରା ବିଶ୍ୱରେ ମୋଟ ୧୫ ଲକ୍ଷ ୧୮ ହଜାର ୭୧୯ ଜଣ ଆକ୍ରାନ୍ତ ହୋଇଥିବା ବେଳେ ମୃତକଙ୍କ ସଂଖ୍ୟା ୮୮ ହଜାର ୫୦୨ରେ ପହଞ୍ଚିଛି ।
ଇତିମଧ୍ୟରେ ୩ଲକ୍ଷ ୩୦ ୫୮୯ ଜଣ ସୁସ୍ଥ ହୋଇ ଘରକୁ ମଧ୍ୟ ଫେରିଛନ୍ତି । ଆମେରିକାରେ ଏକ ପ୍ରକାର ଅଣାୟତ୍ତ ହୋଇଛି କରୋନା । ଗତ ୨୪ ଘଣ୍ଟା ମଧ୍ୟରେ ଆମେରିକାରେ ୧୯୪୦ ଜଣଙ୍କ ମୃତ୍ୟୁ ଘଟିଛି । ଆମେରିକାରେ ଆକ୍ରାନ୍ତଙ୍କ ସଂଖ୍ୟା ୪ଲକ୍ଷ ୩୫ ହଜାର ୧୨୮ରେ ପହଞ୍ଚିଥିବାବେଳେ ୧୪ହଜାର ୭୯୫ ଜଣଙ୍କ ମୃତ୍ୟୁ ଘଟିଛି । ସ୍ପେନ୍ରେ ୧ଲକ୍ଷ ୪୮ ହଜରା ୨୨୦ ଜଣ ଆକ୍ରାନ୍ତ ହୋଇଥିବା ବେଳେ ୧୪ ହଜାର ୭୯୨ ଜଣଙ୍କ ମୃତ୍ୟୁ ହୋଇଛି ।
ସେହିପରି ଆକ୍ରାନ୍ତଙ୍କ ସଂଖ୍ୟା ଅନୁଯାୟୀ ଇଟାଲୀରେ ତୃତୀୟ ସ୍ଥାନରେ ରହିଥିବା ବେଳେ ମୃତକଙ୍କ ସଂଖ୍ୟା ଇଟାଲୀରେ ସର୍ବାଧିକ । ଇଟାଲୀରେ ମୋଟ ୧ଲକ୍ଷ ୩୯ ହଜାର ୪୨୨ ଜଣ ଆକ୍ରାନ୍ତ ହୋଇଥିବା ବେଳେ ୧୭ ହଜାର ୬୬୯ ଜଣଙ୍କ ମୃତ୍ୟୁ ଘଟିଛି ।
ବଦଳିଲା ଟ୍ରମ୍ପଙ୍କ ସ୍ୱର: ପ୍ରଧାନମନ୍ତ୍ରୀ ମୋଦି ଓ ଭାରତୀୟଙ୍କୁ ଜଣାଇଲେ ଧନ୍ୟବାଦ
