ମୁଖିଆ ଆସିବା ପରେ ବଦଳିଲା କଂଗ୍ରେସରେ ମାହୋଲ, ରାଜଧାନୀରୁ ପୁରୀକୁ ଆରମ୍ଭ ହେଲା ସଙ୍କଳ୍ପ ଯାତ୍ରା

ଭୁବନେଶ୍ବର: ଆରମ୍ଭ ହେଲା ରାଜ୍ୟ କଂଗ୍ରେସର ସଂକଳ୍ପ ଯାତ୍ରା । ଭୁବନେଶ୍ବର ବିମାନ ବନ୍ଦରରୁ ପୁରୀ ଯାତ୍ରା କରି ଜଗନ୍ନାଥଙ୍କୁ ଦର୍ଶନ କରିବେ ନୂଆ ପସିସି ସଭାପତି ଭକ୍ତ ଚରଣ ଦାସ । ସଭାପତି ଚୟନ ପରେ ଆଜି ଭକ୍ତ ଭୁବନେଶ୍ବର ଫେରିଛନ୍ତି ଭକ୍ତ । ବିମାନ ବନ୍ଦରରେ ପହଞ୍ଚିବା ପରେ ତାଙ୍କୁ କଂଗ୍ରେସ ପକ୍ଷରୁ ବିପୁଳ ସ୍ବାଗତ ସମ୍ବର୍ଦ୍ଧନା ଦିଆଯାଇଥିଲା । ପ୍ରଥମ ଦିନରେ ରାଜ୍ୟ ବିଜେପି ସରକାର ଉପରେ ବର୍ଷିଛନ୍ତି ପିସିସି ସଭାପତି । ବିଶେଷ କରି ଆଇନ ଶୃଙ୍ଖଳା, ଧାନ କିଣା, ମାଗଣା ବିଜୁଳି, ଭତ୍ତା ବୃଦ୍ଧି ନେଇ ରାଜ୍ୟ ସରକାର ରାଜ୍ୟବାସୀଙ୍କ ପ୍ରତି କରିଥିବା ପ୍ରତାରଣା ବିରୋଧରେ କଂଗ୍ରେସ ଆଗକୁ ସମସ୍ତଙ୍କୁ ସାଙ୍ଗରେ ନେଇ ଲଢେଇ କରିବ ବୋଲି କହିଛନ୍ତି ଭକ୍ତ ।

ଆଜି କଂଗ୍ରେସ ଟ୍ରେଲର ଦେଖାଇଛି । କର୍ମୀଙ୍କ ଭିତରେ ଜୋସ ଭରିଛନ୍ତି ଭକ୍ତ ।  ଟାଇଁ ଟାଇଁ ଖରାରେ ଚାଲିଲା ସଂକଳ୍ପ ଯାତ୍ରା । ପ୍ରଥମ ଦିନରେ ରାଜ୍ୟ ସରକାରଙ୍କ ଉପରେ ବର୍ଷିଲେ ପିସିସି ସଭାପତି । ଜଗନ୍ନାଥଙ୍କ ଦର୍ଶନ ଓ ଆର୍ଶିବାଦ ପରେ ଆକ୍ସନ ପ୍ଳାନ୍ କହିବେ ବୋଲି କହିଛନ୍ତି ଭକ୍ତ ।

ଏପଟେ ମୁଖିଆ ଭୁବନେଶ୍ବରରେ ପହଞ୍ଚିବା ପରେ ବଦଳିଲା କଂଗ୍ରେସର ମାହୋଲ । ବିମାନ ବନ୍ଦରରେ ସ୍ବାଗତ କଲେ ହଜାର ହଜାର କର୍ମୀ । ସାମିଲ ହେଲେନି ଦଳର ବରିଷ୍ଠ ନେତା । ପିସିସି ସଭାପତି ଚୟନ ହେବା ପରେ ଭୁବନେଶ୍ବର ଫେରିଛନ୍ତି ଭକ୍ତ ଚରଣ ଦାସ । ଭକ୍ତଙ୍କୁ ସ୍ବାଗତ କରିବା ପାଇଁ ବିମାନ ବନ୍ଦର ହୋଇଥିଲା ଜନ ସମୁଦ୍ର । ପାରମ୍ପରିକ ବାଦ୍ୟ ସହ ନୃତ୍ୟରେ ନୂଆ ପିସିସି ସଭାପତିଙ୍କୁ ସ୍ବାଗତ କରାଯାଇଛି । ଏହି ଅବସରରେ ପିସିସି ସଭାପତି ରାଜ୍ୟ ସରକାରଙ୍କ ଉପରେ ବର୍ଷିଛନ୍ତି । କଂଗ୍ରେସରେ ଆମୂଳ ଚୂଳ ପରିବର୍ତ୍ତନ ପରେ ସରକାରରେ ଯେଉଁ ସବୁ ଅବ୍ୟବସ୍ଥା ଚାଲିଛି ତାକୁ ତୀବ୍ର ବିରୋଧ କରାଯିବ ବୋଲି ଚେତାବନୀ ଦେଇଛନ୍ତି ଭକ୍ତ । ସେପଟେ କଂଗ୍ରେସ ବିଧାୟକ ଦଳ ନେତା ବି ରାଜ୍ୟ ସରକାରଙ୍କ ଉପରେ ବର୍ଷିଛନ୍ତି । ଆଇନଶୃଙ୍ଖଳା, ଧାନ କିଣା, ମାଗଣା ବିଜୁଳି, ଭତ୍ତା ବୃଦ୍ଧି ନେଇ ରାଜ୍ୟ ସରକାର କରିଥିବା ପ୍ରତାରଣା ପାଇଁ ଲୋକେ ଅତିଷ୍ଠ ହୋଇ ଏବେ କଂଗ୍ରେସ ମୁହାଁ ହୋଇଛନ୍ତି । ଆଜିର ଟ୍ରେଲର ଏହାର ପ୍ରମାଣ ବୋଲି କହିଛନ୍ତି ରାମଚନ୍ଦ୍ର କାଡାମ ।

ସେପଟେ ଆଜି ଠାରୁ ଆରମ୍ଭ ହୋଇଥିବା ସଂକଳ୍ପ ଯାତ୍ରା ୨୦ ତାରିଖରେ ପୁରୀରେ ପହଞ୍ଚିବ । ସଂକଳ୍ପ ଯାତ୍ରାରେ ଯାଇଥିବା ପିସିସି ସଭାପତି ଆଜି ପିପିଲିରେ ରାତ୍ରିଯାପନ କରିବେ । କାଲି ପୁଣି ପଦଯାତ୍ରା ଆରମ୍ଭ ହୋଇ ତେଇଶିପୁର ପର୍ଯ୍ୟନ୍ତ ଯିବ । ମଧ୍ୟାହ୍ନ ଭୋଜନ ପରେ ଚନ୍ଦନପୁରରେ ପଦଯାତ୍ରା ପହଞ୍ଚି ସେଠାରେ ରାତ୍ରିଯାପନ କରିବେ କଂଗ୍ରେସ ନେତା । ସେହିଭଳି ୨୦ ତାରିଖ ସକାଳେ ପଦଯାତ୍ରା ଚନ୍ଦନପୁରରୁ ବାହାରି ବାଟ ମଙ୍ଗଳାରେ ମଧ୍ୟାହ୍ନ ଭୋଜନ କରିବା ପରେ ଅପରାହ୍ନରେ ମହାପ୍ରଭୁଙ୍କୁ ଦର୍ଶନ କରିବେ ନବ ନିଯୁକ୍ତ ପିସିସି ସଭାପତି ଏବଂ କଂଗ୍ରେସ କର୍ମୀ । ତେଣୁ ଯୁବ, ଛାତ୍ର, ମହିଳା କଂଗ୍ରେସ ବେଶ ଉତ୍ସାହିତ ହୋଇଛନ୍ତି ।

ପିସିସି ସଭାପତି ହେବା ପରେ ଭୁବନେଶ୍ବର ବିମାନ ବନ୍ଦରରେ ଭକ୍ତ ଦାସଙ୍କୁ ସ୍ବାଗତ କରିବା ପାଇଁ ହଜାର ହଜାର କଂଗ୍ରେସ କର୍ମୀଙ୍କୁ ଦେଖିବାକୁ ମିଳିଥିଲା । କିନ୍ତୁ ଦଳର ବରିଷ୍ଠ ନେତାମାନଙ୍କୁ ଦେଖିବାକୁ ମିଳି ନଥିଲା । ଯାହା ଦଳ ଭିତରେ ସବୁ କିଛି ଠିକ୍ ଚାଲି ନଥିବାକୁ ଅଙ୍ଗୁଳି ନିର୍ଦ୍ଦେଶ କରୁଛି ।