ଅକ୍ଟୋବରରେ କଂଗ୍ରେସର ନୂତନ ସଭାପତି: ୧୭ରେ ନିର୍ବାଚନ, ୧୯ରେ ରେଜଲ୍ଟ

ନୂଆଦିଲ୍ଲୀ: ଅକ୍ଟୋବରରେ ହେବ  କଂଗ୍ରେସ ସଭାପତି ନିର୍ବାଚନ ହେବ  ।  ଅକ୍ଟୋବର ୧୭ରେ ଅନୁଷ୍ଠିତ ହେବ ଇଲେକ୍ସନ । ଅକ୍ଟୋବର ୧୯ରେ ଆସିବ ଫଳାଫଳ । ସେହିପରି ସେପ୍ଟେମ୍ବର 24ରୁ 30 ନାମାଙ୍କନ ହେବ । ଆଜି ବସିଥିବା ସିଡବ୍ଲୁସି ବୈଠକରେ ଏହି ନିଷ୍ପତ୍ତି ନିଆଯାଇଛି । ଦଳର ଭେଟେରାନ ନେତା ଗୁଲାମ ନବୀ ଆଜାଦଙ୍କ ଇସ୍ତଫା ପରେ ଏହି ବୈଠକ ବେଶ୍‌ ଗୁରୁତ୍ବବହନ କରୁଛି ।

ସେପଟେ ଆଜାଦଙ୍କ ଦଳରୁ ଇସ୍ତଫା ଏବଂ ଦଳୀୟ ନେତୃତ୍ବଙ୍କୁ ସମାଲୋଚନା ପରିପ୍ରେକ୍ଷୀରେ ଏହା ଗୁରୁତ୍ବପୂର୍ଣ୍ଣ । ଆଜାଦ ଦଳ ସହିତ ପାଞ୍ଚ ଦଶନ୍ଧିର ସମ୍ପର୍କ ଛିନ୍ନ କରି ଇସ୍ତଫା ଦେବା ସହ ରାହୁଲ ଗାନ୍ଧୀଙ୍କୁ ଦଳର ପରାମର୍ଶଦାତା ବ୍ୟବସ୍ଥା ଭାଙ୍ଗିବା ପାଇଁ ତୀବ୍ର ସମାଲୋଚନା କରିଥିଲେ । କପିଲ ସିବଲ ଏବଂ ଅଶ୍ବନୀ କୁମାରଙ୍କ ସମେତ ଅନେକ ହାଇ ପ୍ରୋଫାଇଲ ନେତାଙ୍କ ଇସ୍ତଫା ପରେ କଂଗ୍ରେସ ପାଇଁ ଏକ ବିରାଟ ଝଟକା ହୋଇଛି ।

ସେପଟେ ଗୁଲାମନବୀ ଆଜାଦଙ୍କ ଇସ୍ତଫା ଦେବା ପରେ ଜି ୨୩ ନେତାଙ୍କ ସହ ଏକ ବୈଠକ କରିଥିଲେ  । ବର୍ତ୍ତମାନ  କଂଗ୍ରେସ ନେତୃତ୍ୱକୁ ନେଇ ଅସନ୍ତୁଷ୍ଟ ଥିବା ବରିଷ୍ଠ ନେତାଙ୍କୁ ନେଇ ଜି ୨୩  । ଏହି ଗୋଷ୍ଠୀରେ ରହିଥିଲେ କଂଗ୍ରେସର ବରିଷ୍ଠ ନେତା ତଥା ସଦ୍ୟ ଦଳ ଛାଡିଥିବା ଗୁଲାମନବୀ ଆଜାଦ  । ଅନେତ ନେତା ଏବେ ମଧ୍ୟ କଂଗ୍ରେସରେ ରହିଥିବା ସ୍ୱତେ ଅସନ୍ତୁଷ୍ଟ ରହିଛନ୍ତି  । ତେଣୁ ଦଳର ଏପରି କଠିନ ସମୟରେ ନିର୍ବାଚନ ଅକ୍ଟୋବର ୧୭ରେ କରିବାକୁ ନିଷ୍ପତ୍ତି ନିଆଯାଇଛି  ।