ନନ୍ଦିଘୋଷ ବ୍ୟୁରୋ: କାଲିଠାରୁ ବିଧାନସଭା ବଜେଟ ଅଧିବେଶନର ଦ୍ୱିତୀୟ ପର୍ଯ୍ୟାୟ ଆରମ୍ଭ ହେଉଥିବାରୁ ଏଥିପାଇଁ ରଣନୀତି ପ୍ରସ୍ତୁତ କରିଛି କଂଗ୍ରେସ। ବିଧାନସଭାରେ ସରକାରଙ୍କୁ ଘେରିବାକୁ ରଣନୀତି ପ୍ରସ୍ତୁତ କରିଛି କଂଗ୍ରେସ। ବିଧାନସଭାରେ କଂଗ୍ରେସ ବିଧାୟକ ଦଳ ନେତାଙ୍କ ଅଧ୍ୟକ୍ଷତାରେ ବସିଥବା ବୈଠକରେ ଭିଭିନ୍ନ ପ୍ରସଙ୍ଗ ନେଇ ଆଲୋଚନା ହୋଇଛି । ବିଶେଷକରି ପୋଲାଭରମ ପ୍ରକଳ୍ପକୁ ମୂଳ ପ୍ରସଂଗ କରିବ ଦଳ । ସେହିପରି ସ୍କୁଲରେ ଶିକ୍ଷକ ନିଯୁକ୍ତି, ପୁରୁଣା ପେନସନ ଲାଗୁ, ମହିଳା ଓ ଛାତ୍ରଛାତ୍ରୀଙ୍କ ସୁରକ୍ଷା, ଆଇନ ଶୃଙ୍ଖଳା,ଛାତ୍ର ସଂସଦ ନିର୍ବାଚନ, ବେକାରୀ ସମସ୍ୟା, MSME ରେ ସବୁ ଜିଲ୍ଲାରେ ଶିଳ୍ପାନୁଷ୍ଠାନର ପୁନଃଉଦ୍ଧାର, କୃଷକ ସଶକ୍ତିକରଣ,ଅବିଭକ୍ତ କୋରାପୁଟ ଜିଲ୍ଲାରେ ଆଳୁ ମିଶନ ବିଫଳ ଓ ଶୀତଳ ଭଣ୍ଡାର ପ୍ରସଂଗକୁ ଉଠାଇବ କଂଗ୍ରେସ । ଭୁତ ବା ନକଲି କାର୍ଡଧାରୀଙ୍କୁ କେବେ ଧରିବେ, ଚାଉଳ ଦୁର୍ନୀତିର କେବେ ଖୁଲାସା କରିବେ ବିଜେପି ସରକାର । ଜାତିଭିତ୍ତିକ ଜନଗଣନା କରିବା ପାଇଁ ମଧ୍ୟ ଦାବି କରାଯିବ ବୋଲି ବିଧାୟକ ତାରା ପ୍ରସାଦ ବାହିନୀ ପତି ସୂଚନା ଦେଇ କହିଛନ୍ତି ।
