ପଦମପୁର ପାଇଁ କଂଗ୍ରେସ ପ୍ରାର୍ଥୀ ସତ୍ୟଭୂଷଣ ସାହୁ

ଭୁବନେଶ୍ୱର: ପଦମପୁର ପାଇଁ କଂଗ୍ରେସର ପ୍ରାର୍ଥୀ ଘୋଷଣା  । ପୂର୍ବତନ ବିଧାୟକ ତଥା୍ ବରିଷ୍ଠ କଂଗ୍ରେସ ନେତା ସତ୍ୟଭୂଷଣ ସାହୁଙ୍କ ନାଁରେ କଂଗ୍ରେସ ମାରିଛି ମୋହର  । ପଦମପୁର ଉପନିର୍ବାଚନ ପାଇଁ ସତ୍ୟଭୂଷଣଙ୍କୁ ପ୍ରାର୍ଥୀ ଘୋଷଣା କରିଛି କଂଗ୍ରେସ  । ମିଳିଥିବା ସୂଚନା ମୁତାବକ କଂଗ୍ରେସରୁ ପ୍ରାର୍ଥୀ ହେବା ନେଇ ୫ ଜଣଙ୍କ ନାମ ଦଳର କୋର କମିଟିକୁ ଆସିଥିବାବେଳେ ସତ୍ୟଭୂଷଣ ସାହୁଙ୍କ ନାଁ ଆଗରେ ରହିଥିଲା  ।

ସେପଟେ ବିଜେପି ମଧ୍ୟ ପ୍ରର୍ଥୀ ଘୋଷଣା କରିଛି  । ପୂର୍ବତନ ବିଧାୟକ ତଥା ବିଜେପି କୃଷକ ମୋର୍ଚ୍ଚାର ସଭାପତି ପ୍ରଦୀପ ପୂରୋହିତଙ୍କୁ ପ୍ରାର୍ଥୀ କରିଛି ଦଳ  । ଅନ୍ୟପଟେ ବିଜେଡି ଖୁବ ଶୀଘ୍ର ପ୍ରାର୍ଥୀ ଘୋଷଣା କରିବା ନେଇ ସୂଚନା ରହିଛି  । ଡିସେମ୍ବର ୫ରେ ପଦମପୁରରେ ହେବାକୁ ଯାଉଛି ଉପ-ନିର୍ବାଚନ  । ଧାମନଗର ପରେ ପଦମପରୁକୁ ଗୁରୁତ୍ୱ ସହ ନେଇଛି ବିଜେଡି  । ବିଜେପିର ଅନେକ ତୁଙ୍ଗ ନେତା ଏବେ ଦଳ ଛାଡି ବିଜେଡିରେ କରୁଛନ୍ତି ଯୋଗଦାନ  । ତେଣୁ ଦଳ ସବୁ ଦିଗକୁ ବିଚାର କରି ଖୁବ ଜଲ୍ଦି ପ୍ରାର୍ଥୀ ଘୋଷଣା କରିପାରେ  ।