ଛୁଆର ବେକରେ ଫଣା ଟେକି ଘଣ୍ଟାଏ ରହିଲା ନାଗ
ମୁମ୍ବାଇ: ସାପର ନାଁ ଶୁଣିଲେ ଅନେକଙ୍କ ଦେହ ଶିହରୀ ଉଠେ । ଆଉ ଯାହା ପୁଅକୁ ସାପ କାମୁଡ଼ି ଥାଏ ତା ମାଆ ତ ପାଳ ଦଉଡ଼ି ଦେଖିଲେ ଡରେ । ହେଲେ ମହାରାଷ୍ଟ୍ରର ଏହି ଦୃଶ୍ୟ ଆପଣଙ୍କୁ ଡରାଇ ଦେବ । ମହାରାଷ୍ଟ୍ରର ବର୍ଦ୍ଧା ଜିଲ୍ଲାରେ ଏକ ନାଗ ସାପ ୭ ବର୍ଷର ଝିଅ ବେକରେ ଫଣା ଟେକି ଘଣ୍ଟାଏ କାଳ ରହିଥିଲା ।
ଘରେ ଶୋଇଥିବା ବେଳେ ରାତି ପ୍ରାୟ ୧୧ଟା ସମୟରେ ଏଭଳି ଘଟିଥିଲା । ଝିଅଟି ଯେବେ ଉଠିଲା ତ ସାପକୁ ଦେଖି ବହୁତ ଡରି ଯାଇଥିଲା । ନାବାଳିକା ଚିତ୍କାର ଶୁଣି ପରିବାର ଲୋକ ସାପକୁ ଦେଖି ବିଚଳିତ ହୋଇ ପଡ଼ିଥିଲେ । ପ୍ରାୟ ଘଣ୍ଟାଏ ଧରି ସାପଟି ଫଣା ଟେକି ଝିଅ ବେକ ଉପରେ ରହିଥିଲା । ଝିଅଟି ଡରି ଯାଇ ହଲିଯିବାରୁ ସାପ କାମୁଡ଼ି ଦେଇ ପଳାଇଥିଲା । ନାବାଳିକାଙ୍କୁ ମେଡିକାଲ ନିଆଯାଇ ଚିକିତ୍ସା କରାଯାଉଛି ।
