ଦୁର୍ନୀତିଗ୍ରସ୍ତଙ୍କ ବିରାେଧରେ କାର୍ଯ୍ୟାନୁଷ୍ଠାନ : ୨ ଆଇପିଏସ୍ ଅଧିକାରୀ ନିଲମ୍ୱିତ
ଲକ୍ଷ୍ମୌ: ଦୁର୍ନୀତିଗ୍ରସ୍ତଙ୍କ ବିରୋଧରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀଙ୍କ କଡ଼ା ଆଭିମୁଖ୍ୟ । ଦୁର୍ନୀତି ମାମଲାରେ ୨ ଜଣ ଆଇପିଏସ ଅଧିକାରୀଙ୍କୁ ସସ୍ପେଣ୍ଡ କଲେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ । ମହୋବା ପୋଲିସ ଅଧିକାରୀ ମଣିଲାଲ ପଟିଦାରଙ୍କୁ ତତ୍କାଳ ନିଲମ୍ୱିନ ନେଇ ଆଦେଶ ଜାରି କରିଛନ୍ତି । ପାଟିଦାର ପରିବହନରେ ନିଯୁକ୍ତ ଗାଡ଼ିଗୁଡ଼ିକୁ ଚଳାଇବା ପାଇଁ ବେଆଇନ ଭାବେ ଟଙ୍କା ଦାବି କରିଥିଲେ । ଏହା ସହିତ ଗତ ୨୪ ଘଣ୍ଟା ମଧ୍ୟରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଦୁର୍ନୀତିମାମଲାରେ ୨ ଜଣ ଆଇପିଏସ୍ ଅଫିସରଙ୍କୁ ନିଲମ୍ୱିତ କରିଛନ୍ତି । ଏହା ପୂର୍ବରୁ ଯୋଗୀ ଆଦିତ୍ୟନାଥ ଏସ୍ଏସପି ଅଭିଷେକ ଦୀକ୍ଷିତଙ୍କୁ ମଧ୍ୟ ସସପେଣ୍ଡ କରିଛନ୍ତି । ଅଭିଷେକ ଅପରାଧ ରୋକିବାରେ ଅସମର୍ଥ ହୋଇଥିବା ବେଳେ ତାଙ୍କ ବିରୋଧରେ ଦୁର୍ନୀତି କରିଥିବା ନେଇ ଗୁରୁତର ଅଭିଯୋଗ ମଧ୍ୟ ରହିଛି । ଏହା ସହିତ ପ୍ରଶାସନ ଓ ପୋଲିସ ମୁଖ୍ୟାଳୟର ନିର୍ଦ୍ଦେଶ ମାନିନଥିବା ନେଇ ମଧ୍ୟ ଅଭିଯୋଗ ରହିଛି । ଗତ ୧୭ ଜୁନ୍ରେ ପିଲିଭିତରୁ ତାଙ୍କ ବଦଳି ହୋଇଥିଲା । ଏବଂ ପ୍ରୟାଗରାଜରେ ତାଙ୍କୁ ଏସ୍ଏସପି ଭାବେ ନିଯୁକ୍ତି ମିଳିଥିଲା ।
ପୋଲିସ ଅଧିକ୍ଷକ ମଣିଲାଲ ପାଟିଦାରଙ୍କୁ ତତ୍କାଳ ପଦବୀରୁ ହଟାଯାଇଥିବା ବେଳେ ତାଙ୍କ ସ୍ଥାନରେ ଅରୁଣ କୁମାର ଶ୍ରୀବାସ୍ତବଙ୍କୁ ମହୋବାର ଦାୟିତ୍ୱ ଦିଆଯାଇଛି ।
