ଭୁବନେଶ୍ବର: ଭରତପୁର ଥାନା ଘଟଣାରେ ମୁଖ୍ୟମନ୍ତ୍ରୀଙ୍କୁ ଭେଟିଲେ ପୀଡ଼ିତା। ଏହା ସହିତ ପୂର୍ବତନ ସେନା ଅଧିକାରୀ ସଂଘକୁ ମଧ୍ୟ ଭେଟିଛନ୍ତି ମୁଖ୍ୟମନ୍ତ୍ରୀ। ପୁରା ଘଟଣାରେ ସେମାନଙ୍କ ସହିତ ଆଲୋଚନା କରିଛନ୍ତି ଓ ନ୍ୟାୟ ପାଇଁ ମୁଖ୍ୟମନ୍ତ୍ରୀ ପ୍ରତିଶୃତି ଦେଇଥିବା କହିଛନ୍ତି ପୀଡ଼ିତାଙ୍କ ବାପା ତଥା ଅବସରପ୍ରାପ୍ତ ସେନା ଅଧିକାରୀ ସଂଘର ସଭାପତି।
ମୁଖ୍ୟମନ୍ତ୍ରୀ ବିଚାର ବିଭାଗୀୟ ତଦନ୍ତ ପାଇଁ ନିର୍ଦ୍ଦେଶ ଦେଇଥିବାରୁ ସନ୍ତୁଷ୍ଟ ଥିବା କହିଛନ୍ତି ପୀଡ଼ିତାଙ୍କ ବାପା। ଭୁବନେଶ୍ୱରକୁ ଅପରାଧ ମୁକ୍ତ କରିବାକୁ ମଧ୍ୟ ମୁଖ୍ୟମନ୍ତ୍ରୀ କହିଥିବା ସୂଚନା ଦେଇଛନ୍ତି ସେନା ଅଧିକାରୀ ସଂଘର କର୍ମକର୍ତ୍ତା । ଏପଟେ କ୍ରାଇମବ୍ରାଞ୍ଚ ଏଡିଜି ଅରୁଣ ବୋଥ୍ରା, ପୋଲିସ ଜିଡି ୱାଇବି ଖୁରାନିଆ ମୁଖ୍ଯ ଶାସନ ସଚିବଙ୍କୁ ଭେଟି ତଦନ୍ତ ଅଗ୍ରଗତି ସମ୍ପର୍କରେ ନେଇ ଅବଗତ କରିଛନ୍ତି ।
