ଭଦ୍ରକ ଗୁଡୁପୋଖରୀରେ ୨ ଗୋଷ୍ଠୀ ମଧ୍ୟରେ ସଂଘର୍ଷ ଘଟଣା, ଅଞ୍ଚଳରେ ୧୬୩ ଧାରା ବଳବତ୍ତର

ଭଦ୍ରକ: ଭଦ୍ରକ ଜିଲ୍ଲା ଧୂଷୁରୀ ଥାନା ବୟାଙ୍ଗଡିହ ପଞ୍ଚାୟତ ଗୁଡୁପୋଖରୀରେ ୨ ଗୋଷ୍ଠୀ ମଧ୍ୟରେ ସଙ୍ଘର୍ଷ ଘଟଣା । ଏନେଇ ଶାନ୍ତି କମିଟି ଡାକି ପରିସ୍ଥିତି ନିୟନ୍ତ୍ରଣକୁ ଆଣିବାକୁ ପ୍ରୟାସ କରିଛି ପ୍ରଶାସନ। ଧାମନଗର ପଞ୍ଚାୟତ ସମିତି ସଭା ଗୃହରେ ଶାନ୍ତି କମିଟି ବୈଠକ ବସିଥିଲା। ବୈଠକରେ ଭଦ୍ରକ ଉପ ଜିଲ୍ଲାପାଳ, ତହସିଲଦାର, ଏସଡିପିଓ , ଧୂଷୁରୀ ଅତିରିକ୍ତ ଥାନାଧିକାରୀଙ୍କ ସମେତ ରାଜନୈତିକ ବ୍ୟକ୍ତି ଓ ଉଭୟ ଗୋଷ୍ଠୀର ବହୁ ବ୍ୟକ୍ତି ଉପସ୍ଥିତ ଥିଲେ। ଅଭିଯୁକ୍ତଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ ସହ ଉତ୍ତେଜନା ଅଞ୍ଚଳରେ ଶାନ୍ତି ଫେରାଇ ଆଣିବା ଲାଗି ପ୍ରୟାସ ଜାରି କରିଥିଲେ।

ଅନ୍ୟପଟେ ଉଭୟ ଗୋଷ୍ଠୀଙ୍କ ମଧ୍ୟରେ ଚାପା ଉତ୍ତେଜନା ଲାଗି ରହିଥିବାରୁ ଉଭୟ ଗୋଷ୍ଠୀର ଶତାଧିକ ଲୋକେ ଧାମନଗର ଥାନା ଘେରାଉ କରି ବସି ରହିଛନ୍ତି । ଏହାକୁ ଦୃଷ୍ଟିରେ ରଖି ଶନିବାର ରାତି ୧୦ଟା ଯାଏଁ ୧୬୩ ଧାରା ବଳବତ୍ତର ରହିଛି । ଘଟଣାରେ ଏପର୍ଯ୍ୟନ୍ତ ୭ଜଣଙ୍କୁ ଗିରଫ କରିଛି ପୋଲିସ।