ଯୁବକଙ୍କୁ ନିର୍ମମଭାବେ ହତ୍ୟା କଲେ ବିଜେପି ନେତା: ଦୋଷରୁ ବଞ୍ଚିବା ପାଇଁ ନିଜ ଗାଡ଼ି ଉପରେ ଚଳାଇଲେ ଗୁଳି

ଝାଡ଼ଖଣ୍ଡ: ମଶୋଦପୁରର ମାନଗୋରେ ଶୁକ୍ରବାର ଘଟିଥିବା ହତ୍ୟାକାଣ୍ଡ ଘଟଣା ଖୁଲାସା କରିଛି ପୋଲିସ । ସମ୍ପୃକ୍ତ ମାମଲାରେ ବିଜେପି ନେତା ରାଜେଶ ସିଂହଙ୍କ ସମେତ ମୋଟ ୪ ଜଣଙ୍କୁ ଗିରଫ କରିଛି । ତେବେ ମାମଲାରେ ମୋଟ ୮ ଜଣ ଅଭିଯୁକ୍ତ ଥିବା ବେଳେ ଅନ୍ୟ ୪ ଜଣଙ୍କୁ ଧରିବା ପାଇଁ ପୋଲିସ ଜୋରଦାର ଚଢ଼ାଉ କରୁଛି ।

ଘଟଣାନୁଯାୟୀ, ଶୁକ୍ରବାର କୁଖ୍ୟାତ ଅପରାଧୀ ଚିକ୍କି ଯାଦବଙ୍କୁ ହତ୍ୟା କରାଯାଇଥିଲା । ଅତ୍ୟନ୍ତ ବିବତ୍ସଭାବେ ତାଙ୍କୁ ହତ୍ୟା କରାଯାଇଥିଲା । ପ୍ରଥମେ ତାଙ୍କୁ ଗୁଳି ମରାଯାଇଥିଲା ପରେ ଗାଡ଼ିକୁ ମୁଣ୍ଡ ଉପରେ ଚଢ଼ାଇ ତାକୁ ମରିଦିଆଯାଇଥିଲା । ଏହି ଜଙ୍ଘନ୍ୟକାଣ୍ଡ ଭିଆଇଥିଲେ ବିଜେପି ନେତା ରାଜେଶ ସିଂହ ଓ ତାଙ୍କ ସହଯୋଗୀ । ହେଲେ ଏହି ହତ୍ୟାକାଣ୍ଡରୁ ବର୍ତ୍ତିବାକୁ ଏକ ପ୍ଳାନ୍ କରିଥିଲେ ରାଜେଶ ।

ସେ ଏମଜିଏମ୍ ଥାନାରେ ପହଞ୍ଚି ଘଟଣା ଦିନ ତାଙ୍କ ଗାଡ଼ି ଉପରକୁ କିଛି ଦୁର୍ବୃର୍ତ୍ତ ଗୁଳି ଚଳାଇଥିବା ଅଭିଯୋଗ କରିଥିଲେ । ହେଲେ ପରେ ପୋଲିସ ଜାଣିବାକୁ ପାଇଲା ଯେ, ଘଟଣା ଦିନ ସେହି ସ୍ଥାନରେ ଏବଂ ସେହି ସମୟରେ ଚିକ୍କି ଯାଦବଙ୍କୁ ହତ୍ୟା କରାଯାଇଛି ।  ପୋଲିସ ହତ୍ୟା ଏବଂ ଗୁଳିକାଣ୍ଡକୁ ଗୋଟିଏ ସମୟରେ ଏବଂ ଗୋଟିଏ ସ୍ଥାନରେ ଘଟିବା ଜାଣିବା ପରେ ରାଜେଶଙ୍କ ଉପରେ ପୋଲିସର ସନ୍ଦେହ ଘନିଭୂତ ହୋଇଥିଲା । ଏ ନେଇ ବିଜେପି ନେତାଙ୍କୁ ପୋଲିସ ପଚରାଉଚରା କରିଥିଲା । ଏବଂ ଜେରା ବେଳେ ସତସାମ୍ନାକୁ ଆସିଥିଲା । ପୋଲିସ ସୂଚନା ମୁତାବକ ହତ୍ୟାରେ ୮ ଜଣ ଲୋକ ସାମିଲ ଥିଲେ ।

            ପୋଲିସ ଏହି ମାମଲାରେ ମୋଟ ୪ ଜଣଙ୍କୁ ଗିରଫ କରିଛି ଏବଂ ୯ ଏମ୍‌ଏମ୍ ପିସ୍ତଲ ମଧ୍ୟ ଜବତ କରିଛି । ସୂଚନା ଯୋଗ୍ୟ ଯେ, ବିଜେପି ନେତା ଚିକ୍କି ଯାଦବ ନିଜ ଗାଡ଼ି ଦ୍ୱାରା ଧକ୍କା ମାରିବା ସହ ତାଙ୍କୁ ୩୦୦ ମିଟର ଯାଏଁ ଘୋଷାଡି ନେଇଥିଲା ଏବଂ ପରେ ତାକୁ ୪ଟି ଗୁଳି ମରାଯାଇଥିଲା । ଏହା ପରେ ବି ଥମିନଥିଲା ବର୍ବରତା । ପରେ ପଥର ଛେଚି ହତ୍ୟା କରିଥିଲା । ଏହା ପରେ ରାଜେଶ ନିଜେ ନିଜ ଗାଡ଼ି ଉପରେ ଗୁଳି ମାରିଥିଲା ଏବଂ ଥାନାରେ ପହଞ୍ଚି  ମାମଲା ରୁଜୁ କରିଥିଲେ । ସିଟି ଏସପି ସୁଭାଷ ଚନ୍ଦ୍ର ଜାଟ୍ ଘଟଣା ସମ୍ପର୍କରେ ସୂଚନା ଦେଇ କହିଛନ୍ତି, ଜଣେ ଅପରାଧୀ ଚିକି ଯାଦବଙ୍କ ହତ୍ୟା ହୋଇଛି । ଏଥିସହିତ ସେହି ସମୟରେ ଜଣେ ବିଜେପି ନେତା ରାଜେଶ ସିଂହଙ୍କ ଉପରେ ମଧ୍ୟ ଗୁଳି ଚଳାଯାଇଥିଲା । ଯେତେବେଳେ ତଦନ୍ତ ଆରମ୍ଭ ହେଲା ରାଜେଶ ସିଂହଙ୍କ ଉପରେ ସନ୍ଦେହ ବଢ଼ିଥିଲା । ଏବଂ ଜେରା ବେଳେ ରାଜେଶ ହତ୍ୟା କରିଥିବା ନେଇ ମାନିନେଇଥିଲା । ହତ୍ୟାରେ ସମ୍ପୃକ୍ତ ୮ ଲୋକ ସାମିଲ ଥିବାବେଳେ ୪ ଜଣ ଲୋକ ଗିରଫ ହୋଇଛନ୍ତି ।