ଚନ୍ଦକା-ଡମପଡ଼ା ଅଭୟାରଣ୍ୟର ଆଦିବାସୀ ପିଲା ପାଳିଲେ ଶିଶୁ ଦିବସ

ଭୁବନେଶ୍ବର: ଶିଶୁ ଦିବସ ଅବସରରେ ଯାଯାବର ଟ୍ରଷ୍ଟ, ମାଷ୍ଟର ଗିରିଜା ଓ ଚଣ୍ଡିପ୍ରସାଦ ଫାଉଣ୍ଡେସନର ମିଳିତ ଆନୁକୁଲ୍ୟରେ ଚନ୍ଦକା-ଡମପଡ଼ା ଅଭୟାରଣ୍ୟର ଢୋଲକାଠ ଗାଁର ଆଦିବାସୀ ପିଲାଙ୍କ ସହ ଶିଶୁ ଉତ୍ସବ ପାଳନ କରାଯାଇଛି। ଛୋଟ ଛୋଟ ପିଲାମାନେ ଗୀତ, ନାଚ,ଚିତ୍ରାଙ୍କନ ଓ ମ୍ୟୁଜିକ୍ ଚେୟାର ପ୍ରତିଯୋଗିତାରେ ଭାଗ ନେଇଥିଲେ, ଯାହା ସମସ୍ତଙ୍କୁ ମନ୍ତ୍ରମୁଗ୍ଧ କରିଥିଲା। କେବଳ ପିଲାମାନେ ଏଥିରେ ଭାଗ ନେଇଥିଲେ ତାହା ନୁହେଁ ସେମାନଙ୍କ ଅଭିଭାବକ ମଧ୍ୟ ସାମିଲ ହୋଇଥିଲେ। ସବୁଠୁ ବଡ଼ କଥା ହେଲା ଏହି ରାଜଧାନୀ ଉପକଣ୍ଠ ଏହି ଗାଁର ପିଲାମାନେ ଅନ୍ଧାରୀ ମୂଲକର ବାସୀ। ରାଜଧାନୀ ପାଖରେ ରହିଥିଲେ ମଧ୍ୟ ଗାଁକୁ ରାସ୍ତା ନାହିଁ କି ବିଜୁଳି ଆଲୁଅ ନାହିଁ। ଗାଁ ଭି

ତରେ ମୋବାଇଲ ନେଟଓ୍ବର୍କ ଆସେ ନାହିଁ। ଫୋନ୍ କରିବାକୁ ହେଲେ 5 କିମି ଦୂରକୁ ଯିବାକୁ ପଡେ। ମୋବାଇଲ, ଟିଭିଠୁ ବହୁ ଦୂରରେ ଥିବା ସତ୍ୱେ ପ୍ରତିଯୋଗିତାରେ ଆକର୍ଷଣୀୟ ପ୍ରଦର୍ଶନ କରି ପିଲାମାନେ ପ୍ରମାଣ କରିଦେଇଥିଲେ ଯେ ସେମାନେ କେଉଁଥିରେ କମ୍ ନୁହଁନ୍ତି। ଶେଷରେ ସେମାନଙ୍କୁ ପାଠ୍ୟ ଉପକରଣ ଓ ଟ୍ରଫି ପ୍ରଦାନ କରାଯାଇଥିଲା। ଯାଯାବର ଟ୍ରଷ୍ଟର ସଭାପତି ମୁକେଶ ପରିଡା, ଚଣ୍ଡିପ୍ରସାଦ ଫାଉଣ୍ଡେସନ୍ ଓ ମାଷ୍ଟର ଗିରିଜାର ଅଧ୍ୟକ୍ଷା ଅମୀୟବାଳା ପରିଡାଙ୍କ ନେତୃତ୍ବରେ ଯାଯାବର ଟ୍ରଷ୍ଟର ଉପ ସଭାପତି ରାମଜୀବନ ଗୋଛାୟତ, ଆବାହକ ମନୋରଞ୍ଜନ ମହାନ୍ତି, ସହ ସମ୍ପାଦକ ସ୍ମୃତି ରଞ୍ଜନ ବିଶ୍ବାଳ, କୋଷାଧକ୍ଷ ସତ୍ୟଜିତ୍ ରାଉତ୍, ଯୁଗ୍ମ ସମ୍ପାଦକ ଅନିଲକାନ୍ତ ଦାସ,ସମ୍ବିତ୍ ବେହେରା, ପ୍ରିୟଦର୍ଶନୀ ସାହୁ, ନଳିନୀ କୁମାର ରାଉତ, ସ୍ବୟଂ ସପୂର୍ଣ୍ଣା କର, ସୁମନ୍ତ ବେହେରା ଓ ଦେବସ୍ମିତା ଦାସଙ୍କ ସହ ଅନ୍ୟ

ସଦସ୍ୟମାନେ ଉପସ୍ଥିତ ଥିଲେ। କାର୍ଯ୍ୟକ୍ରମକୁ ଢୋଲକାଠ ପ୍ରାଥମିକ ବିଦ୍ୟାଳୟର ସହକାରୀ ଶିକ୍ଷକ ସନ୍ତୋଷ କୁମାର ସାହୁ ଓ ପ୍ରଧାନ ଶିକ୍ଷକ ରଞ୍ଜନ କୁମାର ନାୟକ ଉପସ୍ଥିତ ରହି ସହଯୋଗ କରିଥିଲେ।