ପେଶାରେ କୁକୁଡ଼ା ଚାଷୀ, ହେଲେ ନିଶା ସାପ ଧରିବା
1 min read
ନୟାଗଡ଼: ସାପ ଧରିବା ନିଶାରେ ଦୁଇ ଯୁବକ । ଦିନ ହେଉ କି ରାତି କେଉଁଠି ବି କିଏ ଡାକିଲେ ତୁରନ୍ତ ପହଞ୍ଚି ସହଯୋଗ କରନ୍ତି । ନୟାଗଡ଼ ଓଡ଼ଗାଁର ଦୁଇ ଯୁବକ ଜଗନ୍ନାଥ ସାହୁ ଓ ସୁବାଶିଷ ସାମନ୍ତରାୟ ସାପ ଧରାଳି ଭାବେ ବେଶ ଜଣାଶୁଣା । ଗତ ତିନି ବର୍ଷ ହେଲା ୫ଶହରୁ ଊର୍ଦ୍ଧ୍ୱ ବିଷଧର ସାପ ଧରି ଜଙ୍ଗଲରେ ସୁରକ୍ଷିତ ଛାଡ଼ିଛନ୍ତି ଉଭୟ ।
ପେଶାରେ କୁକୁଡ଼ା ଚାଷୀ, ହେଲେ ନିଶା ସାପ ଧରିବା । ନୟାଗଡ଼ ଓଡ଼ଗାଁର ଦୁଇ ଯୁବକ ଜଗନ୍ନାଥ ସାହୁ ଓ ସୁବାଶିଷ ସାମନ୍ତରାୟ । ଉଭୟଙ୍କୁ ଆଖପାଖ ଅଞ୍ଚଳରେ ସମସ୍ତେ ଜାଣନ୍ତି । ଦିନ ହେଉ କି ରାତି ହେଉ, କେଉଁଠି ବି ସାପ ବାହାରିଲେ ଖୋଜାପଡେ ଏହି ଦୁଇଜଣଙ୍କୁ । ସେମାନେ ଫୋନ୍ କଲ ପାଇ ଧାଇଁ ଯାଆନ୍ତି ସାପ ଧରିବାକୁ । ସାପ ଧରିବା ପରେ ବନବିଭାଗର ତତ୍ତ୍ୱାବଧାନରେ ଜଙ୍ଗଲରେ ଛାଡ଼ନ୍ତି ।
ଗତ ତିନି ବର୍ଷରେ ୫ଶହରୁ ଅଧିକ ବିଷଧର ସାପ ଉଦ୍ଧାର କରିଥିବା କୁହନ୍ତି ଉଭୟ । ସେପଟେ ପାଠପଢା ପରେ ଉଭୟ ଚାକିରି ଖୋଜାଖୋଜି କରିବା ପରେ ମିଳିନଥିଲା । ଏଥିରେ ନିରାଶ ନ ହୋଇ କୁକୁଡ଼ା ଫାର୍ମ ଖୋଲି ବିରଳ କଡକନାଥ କୁକୁଡ଼ା ଚାଷ କରୁଛନ୍ତି । ଉଭୟ ସ୍ୱାବଲମ୍ୱୀ ହେବା ସହିତ ସାଧାରଣ ଲୋକଙ୍କ କାମରେ ମଧ୍ୟ ଆସିପାରିଛନ୍ତି । ବିନା କୌଣସି ସହଯୋଗରେ ନିଜେ ସ୍ୱାବଲମ୍ୱୀ ହେବା ସହିତ ଲୋକଙ୍କ କାମରେ ମଧ୍ୟ ଆସିପାରିଛନ୍ତି ଉଭୟ ଯୁବକ ।
