ନିର୍ବାଚନ ପୂର୍ବରୁ ଚନ୍ନିଙ୍କୁ ଝଟକା, ମନି ଲଣ୍ଡରିଂ ମାମଲାରେ ଚନ୍ନିଙ୍କ ପୁତୁରାଙ୍କୁ ଗିରଫ କଲା ED
1 min read
ଚଣ୍ଡିଗଡ଼: ନିର୍ବାଚନ ପୂର୍ବରୁ ପଞ୍ଜାବ ମୁଖ୍ୟମନ୍ତ୍ରୀଙ୍କ ଅଡୁଆ ବଢ଼ିଲା । ବେଆଇନ ଲଘୁ ଖଣିଜ ଚାଲାଣ ଓ ଟଙ୍କା ହେରଫେର ମାମଲାରେ ପଞ୍ଜାବ ମୁଖ୍ୟମନ୍ତ୍ରୀ ଚରଣଜିତ୍ ସିଂ ଚନ୍ନିଙ୍କ ପୁତୁରାଙ୍କୁ ଗିରଫ କରିଛି ED । ଗତକାଲି ଚନ୍ନିଙ୍କ ପୁତୁରା ଭୁପିନ୍ଦର ସିଂ ହନିଙ୍କୁ ୮ ଘଣ୍ଟା ଧରି ପଚରା ଉଚରା କରିଥିଲା ପ୍ରବର୍ତ୍ତନ ନିର୍ଦ୍ଦେଶାଳୟ । ଏହାପରେ ତାଙ୍କୁ ଗିରଫ କରାଯାଇଛି । ବେଆଇନ ବାଲି ଚାଲାଣ ଓ ମନି ଲଣ୍ଡରିଂ କେସରେ ଭୁପିନ୍ଦରଙ୍କ ବାସଭବନ ସମେତ ଅନ୍ୟ କେତେକ ସ୍ଥାନରେ ଚଢ଼ାଉ ହୋଇଥିଲା । ଚଢ଼ାଉ ବେଳେ ଅନେକ ବେଆଇନ କାଗଜପତ୍ର ଜବତ କରିବା ସହ ପ୍ରାୟ ୮ କୋଟି ଟଙ୍କା ଜବତ କରିଯାଇଥିଲା ।
Punjab CM Charanjit Singh Channi's nephew Bhupinder Singh Honey arrested by Enforcement Directorate (ED) from Jalandhar on Thursday evening following day-long questioning in an illegal sand mining case: Sources
— ANI (@ANI) February 4, 2022
ଅନ୍ୟପକ୍ଷରେ ଚନ୍ନିଙ୍କ ପୁତୁରାଙ୍କ ଗିରଫଦାରୀକୁ ନେଇ କେନ୍ଦ୍ରକୁ ଟାର୍ଗେଟ କରିଛନ୍ତି ଶିବସେନା ସାଂସଦ ପ୍ରିୟଙ୍କା ଚତୁର୍ବେଦୀ । କେନ୍ଦ୍ର ଉପରେ ଆଞ୍ଚ ଆସିଲେ ଇଡିର ଯାଞ୍ଚ ହୁଏ । କେନ୍ଦ୍ରୀୟ ତଦନ୍ତକାରୀ ସଂସ୍ଥାକୁ କେନ୍ଦ୍ର ସରକାର ବିରୋଧୀଙ୍କ ମୁହଁ ବନ୍ଦ କରିବାକୁ ବ୍ୟବହାର କରିଥାନ୍ତି ବୋଲି କହିଛନ୍ତି ପ୍ରିୟଙ୍କା ଚର୍ତ୍ତୁର୍ବେଦୀ ।
